Bugun,

  • USD 11014.01
  • RUB 191.8
  • EUR 10674.78

Irlandiyada ma’qullangan qonun loyihasiga ko‘ra, karantinni buzgan chet ellik sayyohlar katta miqdorda jarimaga tortiladi yoki qamoq jazosiga mahkum qilinishi mumkin, deya xabar beradi The Irish Times.

Foto: EPA

Foto: EPA

Qonunda izolyatsiya paytida mehmonxonadan ruxsatsiz chiqib ketish, PZR testidan bosh tortish uchun jazo nazarda tutiladi.

“Ushbu jinoyatlar bo‘yicha aybdor deb topilganlar to‘rt ming yevro jarimaga tortilishi yoki bir oyga ozodlikdan mahrum qilinishi taxmin qilinmoqda”, — deb yozadi gazeta.

Mamlakatga 20 ta davlatdan — Avstriya, Braziliya, Birlashgan Arab Amirliklari va Afrikaning 17 ta davlatidan kelgan sayyohlar qamalish yoki jarimaga tortilish xavfiga duch keladi.

Ushbu mamlakatlardan kelgan sayohatchilar o‘z mablag‘lari hisobidan mehmonxonada 14 kunlik karantindan va bir nechta COVID testlaridan o‘tishlari shart. Agar o‘ninchi kuni o‘tkazilgan test salbiy natija ko‘rsatsa, izolyatsiya davri kamayishi mumkin.

Karantin ostidagi mehmonxonalar xususiy xavfsizlik firmalari va politsiya tomonidan nazorat qilinishi mumkin.

Ma’lumot uchun, Irlandiyada COVID-19 kasalligi sababli eng yuqori darajadagi cheklovlar aprel oyining oxirigacha davom etishi mumkin. Mamlakat bosh vaziri Mikal Martinning so‘zlariga ko‘ra, endi COVID-19’ning “britancha” shtammi Irlandiyada aniqlangan barcha holatlarning taxminan 90 foizida uchramoqda.

Vaksinatsiya masalasida rasmiylar irlandiyaliklarning ko‘pchiligini sentabrgacha, 70 yoshdan oshgan barcha aholini esa may oyiga qadar emlashni rejalashtirmoqda.

Avvalroq koronavirusga qarshi emlanishdan bosh tortganlar Vatikanda ishdan haydalishi, Indoneziyada esa jarimaga tortilishi haqida xabar berilgandi.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi