Bugun,

  • USD 11095.31
  • RUB 173.84
  • EUR 10772.44

Toshkentda 9 yoshli qizning telefonini tortib olib, hodisa joyidan qochib ketgan juftlik qo‘lga olingani haqida xabar berilgandi. Qizchadan telefonini tortib olgan shaxslar tilanchilik bilan shug‘ullanishi aniqlangan. Tergov departamenti bo‘lib o‘tgan voqea yuzasidan qo‘shimcha ma’lumotlar berdi.

Foto: Tergov departamenti

Foto: Tergov departamenti

Aniqlanishicha, asli xorazmlik bo‘lgan tilanchilik bilan shug‘ullanuvchi ayolning ijtimoiy holati u qadar yomon emas. Turmush o‘rtog‘i ishli, o‘zi esa bu paytgacha turli umumiy ovqatlanish joylarida ofitsiantlik qilgan.

“Ko‘chada tilanchilik qilayotgan edik. Ulug‘bek parkidan (G‘ofur G‘ulom istirohat bog‘i) tushgandan so‘ng haykallarning to‘g‘risida bir qiz kelayotgan ekan. Mening sherigim Shahzod uni ko‘rsatib, qo‘lidagi telefonini olib qo‘yamiz, deb aytdi.

Xo‘p, deb shu qizchaning izidan ketdim. Izimdan yana bir sherigimni Shahzod yubordi. Temiryo‘lga yetganda qizchaning telefonini olib, orqamga qaramay yugurib ketdim.

Xo‘jayinim bu ishdan bexabar. Qilgan ishimdan pushaymonman. Meni kechirishlarini so‘rayman”, – deydi Shohista.

Ma’lum bo‘lishicha, qizchadan tortib olingan qo‘l telefoni savdo markazlaridan birida 550 ming so‘mga sotilgan. Keyin jinoiy guruh o‘rtasida keng taqsimlangan.

Tilanchilarga bosh bo‘lib yurgan Shahzod ismli yigit esa bu ishdan yaqinlarining xabari yo‘q ekanini aytmoqda.

“Hay, endi bir bo‘lib qoldi-da. Uzr so‘raymiz”, – deyish bilan kifoyalandi ayblanuvchi Shahzod.

Mazkur holat yuzasidan Jinoyat kodeksining 166-moddasi 2-qismi “v” bandi bilan jinoyat ishi qo‘zg‘atildi. Ushbu moddaga ko‘ra, ayblanuvchi 3 yildan 5 yilgacha ozodlikdan mahrum qilinishi mumkin.

Hozirda tergov harakatlari olib borilmoqda.

Avvalroq Qashqadaryoda talonchilar 32,5 mln so‘m va 700 dollarni tortib olganini aytgan fuqaro yolg‘on ko‘rsatma bergani aniqlangani, Qo‘yliqda fohishalik qiluvchi ayol mijoz sifatida kelgan erkakning telefoni va 500 dollarini tunab ketgani hamda Qo‘qonda 300 dollarini so‘mga almashtirib berishini aytib, o‘smirni aldab ketgan shaxslardan biri qo‘lga olingani haqida xabar berilgandi.

Izoh
Asosiy yangiliklar
Sport
Rasman: Domeniko Tedesko — Belgiya terma jamoasi bosh murabbiyi 
Mahalliy
O‘zbekistondagi uylar zilzilaga bardoshliligiga kim kafolat beradi? Qurilish va uy-joy kommunal xo‘jaligi vazirligi aniqlik kiritdi
Madaniyat
“Professional raqqosa bo‘ladi, deb o‘ylamaganmiz”. Parizodaning onasi uning bolalikdagi kasalligi tufayli raqsga bergani haqida (video)