AQSh Milliy gvardiyasining 7 ming nafargacha harbiy xizmatchisi AQSh poytaxtida mart o‘rtalarigacha qoladi. Bu haqda Milliy gvardiya qo‘mondoni AQSh (quruqlikdagi qo‘shinlar) armiyasi generali Deniyel Xokanson ma’lum qildi, deb yozadi “RBK”.
Uning so‘zlariga ko‘ra, harbiy xizmatchilar tartibsizliklar xavfi tufayli federal huquq-tartibot organlariga yordam berish uchun Vashingtonda qoladi. Ularning soni mahalliy huquq-tartibot organlari so‘rovlaridan kelib chiqib o‘zgarishi mumkin, dedi u. Ushbu harbiy xizmatchilar qurollangan bo‘lish-bo‘lmasligi masalasini esa federal huquq-tartibot organlari hal qilishi kerak, deya qo‘shimcha qildi Milliy gvardiya qo‘mondoni.
Sobiq prezident Donald Tramp tarafdorlarining Kapitoliyga hujumidan keyin saylangan prezident Jo Baydenning inauguratsiyasi munosabati bilan tartibni ta’minlash uchun Vashingtonga 25 mingga yaqin harbiy xizmatchi yetib kelgan edi. Ular shahar bo‘ylab joylashtirildi, ba’zilari qurollangan edi.
Baydenning inauguratsiyasi 20-yanvar kuni hech qanday hodisalarsiz o‘tdi. Keyinroq OAVlar tadbirda qo‘riqchilik qilgan Milliy gvardiyaning 100 ga yaqin jangchilari koronavirusga topshirgan testlari musbat natija bergani haqida yozdi. Xokanson 25 ming harbiy xizmatchilarning 200 ga yaqini COVID-19 yuqtirib olganini tasdiqladi.
Mavzuga doir:
- Vashingtonga inauguratsiya chog‘ida tartibni ta’minlash uchun 25 ming nafar Milliy gvardiya harbiylari yetib keldi
- Foto: Tramp impichmentini muhokama qilish chog‘ida Kongressni qo‘riqlash uchun kelgan askarlar uxlamoqda
- Kapitoliy atrofidagi tikanli sim va shahardagi minglab askarlar: Vashington Jo Baydenning inauguratsiyasiga qanday tayyorgarlik ko‘rmoqda? (foto)
Izoh (0)