Jinoyatchilar olamida “Osiyolik El Chapo” laqabi bilan tanilgan narkobaron Se Chi Lop Niderlandiyada hibsga olindi. Bu haqda Daily Mail xabar bermoqda.
Jinoyatchi ikki yillik qidiruvdan so‘ng hibsga olingan. Ta’kidlanishicha, qidiruvda Interpol ishtirok etgan.
Kelib chiqishi xitoylik bo‘lgan Kanada fuqarosi dunyodagi eng yirik metamfetamin savdogarlaridan biri hisoblanadi. Ta’kidlanishicha, Avstraliyaga olib kirilayotgan 70 foiz giyohvand moddalar ushbu shaxs boshqaruvidagi “Sem Gor” sindikati orqali yetkaziladi.
Daily Mail Chi Lop maxsus laboratoriyalarda ishlab chiqilgan ko‘plab giyohvand moddalarni tarqatadigan bir nechta xitoylik mafiya uyalariga mas’ul bo‘lganligini ta’kidlaydi.
Birlashgan Millatlar Tashkilotining Giyohvand moddalar va jinoyatchilik bo‘yicha boshqarmasi (UNODC) ma’lumotlariga ko‘ra, jinoiy harakatlar Chi Lopga yiliga 10 milliarddan 23 milliard dollargacha daromad keltirgan. Chi Lopga nisbatan AQSh, Kanada, Myanma, Xitoy, Tailand va Yaponiya kabi 20 ga yaqin mamlakat huquqni muhofaza qilish idoralari qidiruv e’lon qilgan.
Izoh (0)