Futbol bo‘yicha Angliya Premyer Ligasining uchta o‘yini 12-yanvar, seshanba kuni bo‘lib o‘tdi.
“Manchester Yunayted” jamoasi 1-turning qoldirilgan bahsi doirasida “Byornli” maydoniga safar qildi. Uchrashuvning 71-daqiqasida Pol Pogba tomonidan urilgan gol o‘yinda yagonaligini saqlab qoldi.
Ushbu g‘alabadan keyin Ole-Gunnar Sulsher shogirdlari ochkolarini 36 taga yetkazib olgan holda birinchi o‘ringa ko‘tarildi. “Byornli” (16) 16-o‘rinda bormoqda.
18-turning dastlabki bahsi “Sheffild Yunayted” va “Nyukasl” o‘rtasida kechdi. Birinchi bo‘lim yakunlanishi arafasida mehmonlar bir o‘yinchi kam bo‘lib qoldi. Ikkinchi bo‘limda maydon egalari penaltidan urilgan gol evaziga natijani o‘z tomoniga og‘dira oldi.
Shu tariqa “Sheffild Yunayted” mavsumdagi ilk g‘alabasini qo‘lga kiritdi va 5 ochko bilan so‘nggi pog‘onada bormoqda. “Nyukasl” (19) esa 15-o‘ringa joylashgan.
“Everton” safarda “Vulverhepmton”ni taslim etdi va 32 ochko bilan 4-o‘ringa ko‘tarildi.
APL
1-tur (qoldirilgan o‘yin)
12-yanvar, seshanba
“Byornli” — “Manchester Yunayted” 0:1
Gol: 0:1 – 71 Pogba.“Byornli”: Poup, Mi, Piters, Tarkovski, Louton, Braunhill, Breydi (Maknil, 65), Gudmundsson, Vestvud, Barns (Rodriges, 88), Vud (Vidra, 80).
“Manchester Yunayted”: De Xea, Shou, Uan-Bissaka, Bayi, Maguayr, Brunu Fernandesh (Maktominey, 89), Matich, Pogba, Kavani, Marsyal (Tuanzebe, 90), Reshford (Grinvud, 80).
Ogohlantirishlar: Shou (32), Brunu Fernandesh (45), Vestvud (62).
18-tur bahslari
“Sheffild Yunayted” — “Nyukasl” 1:0
Gol: 1:0 – 73, penalti Sharp.
Chetlatish: Freyzer (45).
“Vulverhempton” — “Everton” 1:2
Gollar: 0:1 – 6 Ivobi, 1:1 – 14 Ruben Nevesh, 1:2 – 77 Kin.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)