Bugun,

  • USD 11014.01
  • RUB 191.8
  • EUR 10674.78

Samarqand shahridagi “Labig‘or” mahallasida joylashgan chilimxonadagi qimorxona fosh etildi. Bu haqda “Daryo”ga viloyat IIB axborot xizmati xabar berdi.

Ma’lum bo‘lishicha, “Labig‘or” mahallasida yashovchi 1997-yilda tug‘ilgan M.Sh. o‘ttiz nafarga yaqin shaxslarni yig‘ib, tavakkalchilikka asoslangan qimor o‘yinini tashkillashtirgan va har bir o‘yin uchun 5000 so‘mdan ijara haqi olgan.

Samarqand shahri bo‘yicha IIO FMB Jinoyat qidiruv bo‘limi xodimlari tomonidan 2020-yilning 18-dekabrdan 19-dekabrga o‘tar kechasi Yusuf Hamadoniy ko‘chasida joylashgan Sarat Relax Bar chilimxonasida tezkor tadbir o‘tkazilgan. Tadbir davomida fuqaro M.Sh. tomonidan tavakkalchilikka asoslangan qimor o‘yini tashkillashtirilganligi aniqlanib, to‘qqiz quti ochilgan karta kalodalari, o‘yin uchun berilgan 906 ming so‘m pul, 26 ta har xil turdagi uyali telefon apparati, 1 million 514 ming so‘m va 100 AQSh dollari miqdoridagi pullar xolislar ishtirokida daliliy ashyo sifatida olib qo‘yilgan.

Holat yuzasidan Samarqand shahri bo‘yicha IIO FMB huzuridagi Tergov bo‘limi tomonidan M.Sh.ga nisbatan Jinoyat kodeksining 278-moddasi 1-qismi bilan (qimor va tavakkalchilikka asoslangan boshqa o‘yinlarni tashkil etish hamda o‘tkazish) jinoyat ishi qo‘zg‘atilib, tergov harakatlari olib borilmoqda.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi