Bugun,

  • USD 11014.01
  • RUB 191.8
  • EUR 10674.78

AQSh aholisini koronavirusga qarshi emlash kampaniyasi 11-dekabrda boshlanishi mumkin. Bu haqda AQSh prezidentining vaksina ishlab chiqish bo‘yicha maslahatchisi Monsef Slaui CNN’ga ma’lum qildi, deb yozadi “RBK”.

Foto: Getty Images

Foto: Getty Images

Uning aytishicha, Pfizer kompaniyasi Oziq-ovqatlar va dorilar sifati ustidan sanitar nazorat boshqarmasi (FDA)da o‘z vaksinasidan favqulodda vaziyatlarda foydalanish uchun ro‘yxatdan o‘tkazishga ariza berdi. Shu masala yuzasidan yig‘ilish 10-dekabrga belgilangan.

“Biz dori ma’qullanganidan keyin 24 soat ichida emlash punktlariga vaksinalar partiyalarini yuborishni boshlamoqchimiz, shu sababli, ma’qullanganidan keyin bir yoki ikki kun o‘tib, 11 yoki 12-dekabrda emlash boshlansa kerak, deb taxmin qilyapman”, — dedi Slaui.

U, shuningdek, odamlar vaksinaning samaradorligiga shubha qilishni bas qilishiga umid bildirdi. Slauining fikricha, ko‘pchilik FDA tomonidan belgilangan “dori samaradorligining minimal zarur darajasi” (50%) ko‘rsatkichini noto‘g‘ri tushunib, buni vaksinaning samaradorlik darajasi deb o‘ylagan.

“Aslida bu 95%. Bu pandemiyadan deyarli to‘liq himoya. Bu odamlarning tushunchasini o‘zgartiradi deb umid qilaman”, — dedi Slaui.

AQShning Pfizer kompaniyasi Germaniyaning BioNTech kompaniyasi bilan birgalikda ishlab chiqarilgan COVID-19’ga qarshi vaksinaning samaradorligi 95 foizni tashkil etishini ma’lum qildi. Kompaniya ma’lumotlariga ko‘ra, vaksina sinovda qatnashayotgan kishining yoshi, irqi va millatidan qat’i nazar, samarali bo‘lgan. Dastlabki sinov natijalari 90 foiz samaradorlikni ko‘rsatgandi.

Shuningdek, noyabr oyida Amerikaning Moderna kompaniyasi o‘zining yangi koronavirusga qarshi vaksinasi sinovlarning uchinchi bosqichida 94,5 foiz samaradorlik ko‘rsatgani haqida xabar berdi. Rossiyaning “Sputnik V” vaksinasini ishlab chiqaruvchilar esa o‘zlarining vaksinasi samaradorligini 92 foizga baholadi.

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi