Futbol bo‘yicha Italiya A Seriyasining 8-turidan o‘rin olgan bir qator o‘yinlar 22-noyabr, yakshanba kuni bo‘lib o‘tdi.

Foto: Twitter

“Jenoa” safarda “Udineze” mehmoni bo‘ldi. Uchrashuvning 34-daqiqasida Rodrigo de Paul maydon egalarini oldinga olib chiqdi. O‘yin yakuniga qadar har ikki jamoada ham bir qator imkoniyatlar yuzaga keldi. Mehmonlar ikkinchi bo‘lim yakunida raqib jarima maydoni yonida kuchli bosimni yuzaga keltirdi, biroq genuyaliklar “Udineze” darvozasi tomon yo‘l topa olmadi.

Uchrashuvning 68-daqiqasida Eldor Shomurodov zaxiradan maydonga qo‘shildi. O‘zbekistonlik futbolchi jarohati sabab bir qator uchrashuvlarni o‘tkazib yuborgandi.

Ushbu g‘alabadan keyin “Udineze” ochkolarini 7 taga yetkazib olgan holda 16-o‘ringa ko‘tarildi. “Jenoa” (5) esa 19-pog‘onaga tushib ketdi.

“Inter” o‘z maydonida “Torino”ni qabul qildi. Dastlab turinliklar birinchi bo‘lim yakuni va 62-daqiqadagi gollar evaziga oldinga o‘tib oldi. 64-daqiqada Aleksis Sanches hisobni qisqartirgan bo‘lsa, oradan uch daqiqa o‘tib Romelu Lukaku muvozanatni tikladi. Uchrashuv yakunlanishi arafasida milanliklar yana ikkita to‘p kiritgan holda g‘alabani o‘z tomoniga og‘dirdi.

“Roma” esa Rimda “Parma” bilan bahs yuritdi. Genrix Mxitaryanning dubli va Borxa Mayoralning goli mezbonlar yirik hisobdagi g‘alabani taqdim etdi.

A Seriya

8-tur bahslari

22-noyabar, yakshanba

“Udineze” — “Jenoa” 1:0

Gol: 1:0 – 34 de Paul.

“Udineze”: Musso, Larsen, Rodrigo Bekao, Nyuytink, Zegelar, de Paul, Arslan (Mandragora, 67), Pussetto (Lazanya, 68), Pereyra (Makengo, 90), Samir, Okaka Chuka.

“Jenoa”: Perin, Biraski (Goldaniga, 46), Bani, Masyello (Destro, 89), Pellegrini (Parijini, 81), Badel, Lerager, Sturaro (Zays, 69), Gilyone, Skamakka, Pandev (Shomurodov, 68).

Ogohlantirishlar: Masyello (30), Badel (63), Arslan (64), Musso (76).

Chetlatish: Perin (90+6)

“Inter” — “Torino” 4:2

Gollar: 0:1 – 45 Zaza, 0:2 – 62, penalti Ansaldi, 1:2 – 64 Sanches, 2:2 – 67 Lukaku, 3:2 – 84, penalti Lukaku, 4:2 – 90 Martines.

“Inter”: Handanovich, Yang (Perishich, 74), Ranokkiya (de Vrey, 74), Bastoni, Hakimi, Vidal, Barella, Sanches (Nainggolan, 86), Galyardini (Martines, 65), D'Ambrozio (Shkrinyar, 65), Lukaku.

“Torino”: Sirigu, Ansaldi, Nkulu, Voynovich, Singo, Rinkon (Edera, 85), Linetti, Verdi (Bonatssoli, 42), Meyte, Bremer, Zaza (Milliko, 90).

Ogohlantirishlar: Verdi (31), D’Ambrozio (35), Bastoni (46), Yang (61), Singo (70).

“Roma” — “Parma” 3:0

Gollar: 1:0 – 28 Mayoral, 2:0 – 32 Mxitaryan, 3:0 – 40 Mxitaryan.

“Roma”: Mirante, Karsdorp, Manchini, Rojer (Jezus, 53), Spinatssola (Bruno Peres, 79), Vilyar (Diavara, 80), Kristante, Mxitaryan, Veretu, Pedro (Pellegrini, 80), Mayoral (Karles Peres, 65).

“Parma”: Sepe, Osorio (Brunetta, 63), Brunu Alvesh, Petssella (Yakoponi, 85), Galolo, Sipren, Grassi (Byusi, 82), Zom, Kutska (Kurtich, 62), Jervino (Karamo, 62), Ingleze.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!