“Milan” hujumchisi Zlatan Ibragimovich Italiya chempionatining 4-turi doirasida o‘tkazilgan “Inter”ga qarshi o‘yinda dubl qayd etdi.

Foto: Twitter

Shu tariqa shvetsiyalik futbolchi Milan derbisida gol urgan eng yoshi katta (39 yosh-u 14 kunlik) futbolchiga aylandi.

Qayd etish joiz, bundan oldingi rekord 1961-yilda “Milan” sobiq futbolchisi Nils Lidxolmga tegishli edi. Shvetsiyalik yarim himoyachi “Inter” darvozasiga gol urgan vaqtda 38 yosh-u 5 oylik edi, deb yozadi Sky TG24 jurnalisti Juzeppe Pastore.

Zlatan A Seriyaning 2020/21-yilgi mavsumida 2 ta o‘yin o‘tkazib, 4 ta golga mualliflik qildi.