“Real” himoyachisi Serxio Ramos Ispaniya chempionatining 6-turidan o‘rin olgan “Kadis”ga qarshi o‘yinda (0:1) jarohat oldi. Bu haqda Marca xabar bermoqda.
Ramos uchrashuvning birinchi bo‘limida “Kadis” hujumchisi Entoni Losano bilan to‘qnashib ketdi va tanaffus vaqtida almashtirildi. Qayd etilishicha, ispaniyalik futbolchining chap tizzasi shikastlangan.
Qayd etish joiz, “Real”ni 24-oktabr kuni “Barselona”ga qarshi o‘yin kutmoqda. Hozircha jarohatning qay darajada jiddiy ekani noma’lum. Biroq Ramosning mazkur uchrashuvdagi ishtiroki esa so‘roq ostida qolmoqda.
Ramos La Liganing 2020/21-yilgi mavsumida 5 o‘yin o‘tkazib, 1 ta gol urdi. Uning “qirollik klubi” bilan amaldagi shartnomasi 2021-yilda o‘z nihoyasiga yetadi.
Izoh (0)