Foto: Lamborghini eshiklari va piknik uchun mo‘ljallangan stolga ega Subaru pikapi

Craigslist saytida 1985-yilda ishlab chiqarilgan noodatiy Subaru sotuvga qo‘yilgani to‘g‘risida e’lon paydo bo‘ldi. Yashil rangli pikap Lamborghini superkarlarinikiga o‘xshash eshiklarga va piknik uchun mo‘ljallangan stolga ega. So‘nggi 15 yil davomida mazkur avtomobilga egalik qilgan inson uni 14,9 ming dollarga sotishni rejalashtirmoqda, deb xabar beradi Motor.

Aftidan, pikap egasi yashil rangning ishqibozi bo‘lgan, chunki mashinaning nafaqat kuzovi, balki saloni ham shu rangda. Salondagi deyarli barcha jihozlar yashil rangda — o‘rindiqlar qoplamasidan tortib eshiklar, orqani ko‘rishga mo‘ljallangan oynaga ilingan kubiklargacha. Hatto Subaru g‘ildiraklaridagi original “shildiklar” ham yashil rangli muqobiliga almashtirilgan.

E’tiborni tortadigan jihati, yuk platformasidan piknik uchun alohida joy o‘rin olgan: u yerda stol va bir juft o‘rindiq o‘rnatilgan. O‘rindiqlar yonidagi tutqichlarga ko‘ra, kokteylni harakat vaqtida ham ichish mumkinligini payqash mumkin.

Subaru Brat GL to‘rt silindrga ega 1,8 litrli oppozit dvigatel bilan jihozlangan bo‘lib, u mexanik uzatmalar qutisi yordamida boshqariladi. Mashina hozirga qadar 146,5 ming kilometr yo‘l bosgan.

Eslatib o‘tamiz, avgust oyida Chikagoda daraxt tomonidan yakson etilgan Subaru Forester yodgorlikka aylantirilgan edi.