“Yeseniya” filmidagi go‘zal aktrisa Jaklin Anderening hayoti qanday kechdi? (foto)

Jaklin Andere 1938-yil 20-avgustda Meksika poytaxti Mexikoda dunyoga keldi. Uning ota-onasi badavlat insonlar bo‘lganligi tufayli aktrisa yoshligidan hech narsaga muhtoj bo‘lmay ulg‘aydi. Shuningdek, Meksikada yaxshi ta’lim olishga ham muvaffaq bo‘ldi.

Vaqt o‘tib Jaklin aktrisa bo‘lishga qaror qildi, ammo u darhol ekranlarda ko‘rinish bermadi. U filmlarga suratga tushishni o‘tgan asrning 50-yillaridan keyin boshladi, 1962-yilda “Qiruvchi farishta” filmidan so‘ng e’tiborga tushdi.

1967-yil aktrisa o‘zidan 20 yosh katta prodyuser Xose Mariya Fernandes Unsaynga turmushga chiqdi. 1972-yil aktrisaning hayotida muhim voqealar bo‘lib o‘tdi.

Birinchisi, uning qizalog‘i – Shantalning dunyoga kelishi bo‘lsa, ikkinchisi, “Yeseniya” melodramasidagi ishtiroki edi. Aktrisaning qizi ham keyinchalik onasining izdoshiga aylandi.

Meksikalik aktrisa Mariya Esperansa Jaklin Andere Agilar “Yeseniya” serialida bosh qahramon obrazini ijro etdi.

Anderening karyerasi 1980-yillarda gurkiradi, u Lotin Amerikasining eng sara aktrisalaridan biri bo‘lib, yil davomida 4-5 ta filmda suratga tushar edi.

Oradan chamasi 10 yillar o‘tib, uning turmush o‘rtog‘i Xose Unsaynning yuragida muammo paydo bo‘ldi. Bu vaqtda aktrisa betob eriga g‘amxo‘rlik qilish niyatida barcha taklif va rollardan voz kechdi. O‘tgan 6 yil mobaynida aktrisa birorta ham filmda suratga tushmadi. 1997-yilga kelib uning turmush o‘rtog‘i vafot etdi.

Vaqt o‘tishi bilan Jaklin qayg‘usini yengib, yana o‘z kasbiga qaytdi. U yangi asr boshlaridanoq bir qancha filmlarda suratga tushdi. Aktrisa hozirda 82 yoshni qoralaganiga qaramay ijodiy faoliyatini to‘xtatgani yo‘q. 2020-yilda Meksikada suratga olingan navbatdagi serialda ishtirok etdi. Jaklinning qizi Shantal Andere vaqti-vaqti bilan taniqli onasining suratlarini Instagram sahifasiga joylab boradi.