SSV Zangiotadagi COVID-19 kasalxonasida elektr toki o‘chib, kislorodga ulangan bemorlar vafot etganini rad etdi

Ijtimoiy tarmoqlarda Toshkent viloyatidagi Zangiota yuqumli kasalliklar shifoxonasida elektr ta’minoti uzilib qolgani haqida xabarlar tarqaldi.

Xususan, jurnalist Xurshid Daliyevning yozishicha, COVID-19 markazida ahvol yomonlashib, kislorod konsentratoriga ulangan bemorlarning ko‘pchiligi vafot etgan.

“Yomon xabar eshitdim. Kecha Zangiotada svet o‘chibdi. COVID markazida ahvol yomonlashibdi. Kislorod ulanganlarning ko‘pi bandalik qilibdi. 300 dan ortiq deyishdi. Bu dahshat”, — deya

Ёмон хабар эшитдим. Кеча Загиотада свет ўчибди. Ковид ценртда ахвол ёмонлашибди. Кислород уланганларди кўпи бандалик қипти. 300 дан ортиқ дейишди. Бу дахшат.

O‘zbekiston Sog‘liqni saqlash vazirligi mazkur xabarga munosabat bildirdi. Ma’lum qilinishicha, 2020-yilning 6-iyulidan bemorlarni qabul qila boshlagan Zangiota yuqumli kasalliklar shifoxonasi yangi va zamonaviy talablarga moslab qurilgan. “Kecha (11-oktabr — tahr.) Zangiotadagi shifoxonada elektr energiyasi uzilmagan”, — deyiladi vazirlik xabarida.

SSV tomonidan ma’lum qilinishicha, kasalxonada birorta ham o‘lim qayd etilmagan. Shifoxonada elektr uzluksizligini ta’minlash maqsadida 3 ta dizel generatori o‘rnatilgan. “Barcha shifokorlar koronavirus bilan kurashga jalb qilingan bir vaqtda bunday bo‘lishi aqlga sig‘maydi”. — deyiladi SSV munosabatida.

Keyinroq Xurshid Daliyev Zangiotadagi kasalxonada elektr toki o‘chib qolgani rostligini, biroq 300 kishi vafot etgani noto‘g‘ri ma’lumot ekanligini

Свет ўчгани рост. Лекин 300 дан ортиқ қурбоон хато экан. Илохим хато бўлсине. Ёлғон бўпчиқсин. https://t.co/rRDRdBtjS9

Sog‘liqni saqlash vazirligi Zangiotadagi kasalxonada 11-oktabr kuni elektr energiyasi ta’minotida uzilish bo‘lmaganini ma’lum qilgan, biroq undan avval mazkur muassasada elektr ta’minotning uzilishi yuz bergan yoki yuz bermaganligiga aniqlik kiritmagan.

Eslatib o‘tamiz, 2020-yil 7-oktabr kuni Guliston shahridagi “Alpomish” sport majmuasida tashkil etilgan koronavirus bemorlarini saralash va taqsimlash markazida portlash yuz bergan, Favqulodda vaziyatlar vazirligi portlash majmuadagi kislorod balloni yorilishi oqibatida sodir bo‘lganini ma’lum qilgandi. Portlash yuzasidan jinoyat ishi qo‘zg‘atilgan va hozirda tergov harakatlari olib borilmoqda. Portlash kislorod balloni ichidagi kislorodga moy qoldig‘ining aralashgani sababli yuz bergan bo‘lishi mumkinligi taxmin qilinmoqda.