Farg‘ona viloyatining Uchko‘prik tumanida 16 yoshli haydovchi Vaz-2106 avtomashinasida yo‘l chetidagi daraxtga urilib, yo‘l-transport hodisasini sodir etdi. Bu haqda “Daryo”ga viloyat IIB axborot xizmati xabar qildi.
Ma’lum qilinishicha, 2020-yilning 11-oktabr kuni Uchko‘prik tumani Hamid Olimjon ko‘chasida 16 yoshli haydovchi R.A. avtomashinani boshqarish huquqini beruvchi hujjatlarsiz Vaz-2106 rusumli transport vositasida harakatlanayotib boshqaruvni yo‘qotgan va yo‘l chetidagi chinor daraxtiga urilgan.
Buning oqibatida haydovchi R.A. hamda yo‘lovchilar B.B. va A.R. tan jarohati olib, shifoxonaga yotqizilgan.
Ko‘rsatilgan tibbiy muolajalarga qaramasdan, voyaga yetmagan haydovchi R.A. shifoxonada vafot etgan.
Mazkur YTH yuzasidan Uchko‘prik tumani IIB huzuridagi tergov bo‘limi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Eslatib o‘tamiz, avvalroq Andijonda Damas yuk mashinasiga urilishi oqibatida voyaga yetmagan yo‘lovchi halok bo‘lgani, Navoiyda sodir bo‘lgan YTH oqibatda esa haydovchi va piyoda vafot etgani xabar berilgandi.
Mavzuga doir:
Izoh (0)