Bugun,

  • USD 11014.01
  • RUB 191.8
  • EUR 10674.78

Toshkent viloyati Olmaliq shahrida “Diqqat, piyoda” tadbiri doirasida yerdan biroz ko‘tarilgan piyodalar yo‘lagi tashkil qilindi, deya xabar bermoqda IIV.

Foto: Telegram/@Effekt Makarenko

Foto: Telegram/@Effekt Makarenko

Qayd etilishicha, Toshkent viloyati hududida sodir bo‘layotgan yo‘l-transport hodisalari tahlil qilinganda har 2 ta YTHdan bittasi piyoda ishtirokida sodir bo‘layotgani aniqlangan.

Ushbu holatlarni inobatga olib, Toshkent viloyatining Olmaliq shahrida yangicha piyodalar o‘tish joyi tashkil qilindi. Bundan asosiy maqsad – piyodalar yo‘lagiga yaqinlashgan avtomobil tezligini sun’iy tarzda pasaytirish.

Bundan tashqari ushbu piyodalar o‘tish joyi piyodalar oqimini hisobga olib kengaytirildi. Bu bir vaqtda bir necha piyodani qiynalmasdan o‘tishiga imkon beradi.

Viloyat hududida o‘tkazilayotgan “Diqqat, bolalar” tadbiri doirasida katta yo‘l yoqasida joylashgan o‘quv muassasalari oldida ham harakat xavfsizligini ta’minlash choralari ko‘rilib, yo‘l chiziqlari va belgilari yangilanmoqda.

Shuningdek, Olmaliq shahrida joylashgan maktab oldiga bolalarni xavfsiz o‘tishlari uchun piyodalar tomonidan boshqariladigan svetofor o‘rnatildi.

Maktablarga biriktirilgan YPX xodimlari bolalarga bu svetoforning ishlash tartibini tushuntirish barobarida, ularga yo‘ldan xavfsiz o‘tish ko‘nikmalarini o‘rgatishmoqda.

Avvalroq shunday piyodalar o‘tish joyi Farg‘onada ham tashkil etilgani haqida xabar berilgandi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi