Ona bo‘lish arafasida turgan aktrisa Bahora Arslonova san’at institutda o‘qib yurgan paytida “Eldido” guruhi xonandasi Dilniyoz G‘afforov unga sevgi izhor qilgani, keyin esa ular do‘st bo‘lib qolgani haqida so‘zlab berdi.
“Oliygohda o‘qiyotganimda juda ko‘pchilik sevgi izhor qilgan. Boshida sevib qolishardi, gaplashganimizdan keyin ovozingiz qo‘pol ekan-a, deyishardi. Men ovozimni o‘zgartirmasdim.
‘Eldido’dagi Dilniyoz boshida meni sevib qolgan, keyin esa keling, singlimdek bo‘la qoling, degan. Men ham xo‘p, deganman, chunki yo‘q demaysiz. U juda yaxshi inson, hozir ham bir-birimizni ko‘rsak, gaplashib ketaveramiz. Chunki bizning davrimizda sevgi, otashin muhabbat deganlari faqat kitobiy bo‘lgan. Xat yozishgan, masalan, institutda bir-birimizni ko‘rib qolsak ham xuddi ko‘rmagandek bo‘lib o‘tib ketaverganmiz. Uyalganmiz. Akamga shuni sevib qoldim, aka, deb aytgunimcha necha kun uxlamaganman. Akam kimnidir yaxshi ko‘rib qolsang, ayt, derdilar”, — deydi aktrisa.
Izoh (0)