Ayrim mashhurlikka erishgan ayollar “Baxtni boshqaning baxtsizligi ustiga qurib bo‘lmaydi” degan iborani rad etmoqda. Ular g‘iybat va taxminlarga qaramasdan, oilali erkaklarni yo‘ldan urdi. Boshqalarning oilalari buzilishi evaziga o‘zlarining baxtli munosabatlarini o‘rnatdi.
Juliya Roberts
Aktrisa Juliya va operator Moder “Meksikalik” filmining suratga olinish jarayonida tanishgan. O‘sha paytda Moderning oila qurganiga 4 yil to‘lgandi. Ammo bu aktrisani to‘xtatolmadi, balki ovchilik qobiliyatini kuchaytirdi. Hattoki Moderning rafiqasiga ajrashishga rozilik berishi uchun 100 ming dollar pul taklif qildi. Erkakning qarindoshlari aktrisaning bu ishi tufayli undan nafratlandi. Juliya esa hech qanday tanqidlarni eshitishni xohlamadi va to‘ydan keyin xotirjam uy bekasi, g‘amxo‘r onaga aylandi. Shundan buyon 18 yil o‘tdi va ular baxtli hayot kechirmoqda.
Melani Griffit
Griffit va Banderias 1995-yilda tanishgan. Ular tanishgan chog‘da ikkisi ham oilali bo‘lgan. Antonio Banderas ispan aktrisasi Ana Lesa bilan 10 yil davomida yashab kelayotgan edi. Griffit esa xonanda Don Jonsonga qayta turmushga chiqqan edi. Suratga olish jarayonidagi tanishuvdan so‘ng ikki aktyor ham oilasidan ajralish uchun sudga ariza berdi va 18 yildan buyon bir oila bo‘lib yashamoqda.
Anjelina Joli
Ularning tarixi barchaga tanish. Bred Pitt besh yillik oilasi – Jennifer Enistondan ajralib, aktrisa Jolining tuzog‘iga tushdi. “Janob Smit va Smit xonim” filmi suratga olingandan so‘ng ular orasida ishqiy munosabatlar boshlandi. Ularning 10 yillik hayotida 6 farzanddan iborat oila barpo bo‘ldi va 2016-yil nikoh tugatildi.
Tatyana Navka
Dmitriy Peskov Tatyananing birinchi turmush o‘rtog‘i emas. Uning birinchi turmush o‘rtog‘i figurali uchuvchi Aleksandr Julin 14 yillik rafiqasi Maya Usovani tark etib, Navkaga uylangan. 2010-yil Navka Julin bilan ajrashganidan so‘ng prezidentning matbuot kotibi – Dmitriy Peskov bilan uchrashib yurdi. Oradan 4 yil o‘tib, uning Nadya ismli qizi dunyoga keldi, lekin bu vaqt davomida sportchi qiz farzandining otasi haqidagi ma’lumotlarni hech kimga bildirmadi. Ularning qizi tug‘ilmasidan ikki yil avval Peskov birinchi turmushidan ajradi, sababi 1994-yildan buyon yashab kelayotgan Yekaterina hammasini bilib qolgan edi, ularning ikki o‘g‘il va bir qizi bor.
Yelizaveta Boyarskaya
Boyarskaya va Maksimning “Aytmayman” dramasi sahnalashtirilayotgan vaqtda ishqiy munosabatlari boshlandi. Shu tufayli Maksim bir yildan buyon bir oila bo‘lib yashab kelayotgan aktrisa Yana bilan ajrashishga qaror qildi. Tez orada Maksim va Yelizaveta yashirincha turmush qurdi, hozirda ular Andrey ismli o‘g‘ilni tarbiya qilmoqda.
Albina Janabayeva
Xonanda Valeriy Meladze Albina bilan vokalist izlab tashkil etilgan kastingda tanishganida uning xotini va uch qizi bor edi. Tez orada Albina “VIA Gra”ning yakkaxon xonandasiga aylandi, 2004-yil Meladzedan o‘g‘il farzand ko‘rdi. Ularning o‘zaro munosabatlari ommalashdi, keyinchalik matbuotda ularning maxfiy uchrashuvlari haqida ko‘plab dalillar e’lon qilindi. Shunga qaramay, Meladze 2014-yilga qadar xonanda bilan munosabatlarini yashirib yurdi va o‘sha yili ajrashishga qaror qildi.
Kristina Asmus
Kristina va Garlik o‘rtasida birgina to‘siq bor edi, u ham bo‘lsa Garlikning oilasi. Ammo u Kristinani ularni shunchaki birgina qog‘ozdagi nikoh bog‘lab turishiga ishontirgan. Ular bir yil davomida munosabatlarini yashirishga harakat qildi, lekin Kristinaning homilador bo‘lishi barchasini oydinlashtirib yubordi. Bu, albatta, janjalga sabab bo‘ldi. Garlikning birinchi turmush o‘rtog‘i uni xiyonatda aybladi va qonun bo‘yicha kurashib, turmush o‘rtog‘iga tegishli boylikning uchdan ikki qismiga ega chiqdi. Keyinchalik Asmus va Garlik baxtli yashashga muvaffaq bo‘ldi, ammo 2020-yil muxlislarga rasman ajrashayotganini e’lon qildi.
Izoh (0)