Yevropada 5-oktabr, dushanba kuni 2020-yilgi yozgi transfer oynasi yopildi. “Daryo” dedlayn kunining so‘nggi soatlarida amalga oshirilgan transferlarni ushbu sahifa orqali yoritib bordi.

Foto: Twitter

“Arsenal” “Atletiko” yarim himoyachisi Tomas Partini sotib oldi. Londonliklar futbolchining shartnomasida ko‘rsatilgan 50 million yevro miqdoridagi tovon pulini to‘lab bergan.

Qarama qarshi yo‘nalishda Lukas Torreyra madridliklar safiga yo‘l olgan. “Atletiko” 24 yoshli urugvaylik futbolchini mavsum oxirigacha ijaraga olgan.

“Everton” yarim himoyachisi Teo Ulokott “Sauthempton”ga qaytdi. “Avliyolar” o‘z tarbiyalanuvchisini bir mavsumga ijaraga olgan.

Foto: Twitter/@SouthamptonFC

“Barselona” yarim himoyachisi Rafinya Alakantara PSJ safiga yo‘l oldi. Parijliklar braziliyalik futbolchi bilan 2023-yilga qadar mo‘ljallangan bitim imzoladi.

Shuningdek, katalonlar himoyachisi Jan-Kler Todibo “Benfika”ga yo‘l oldi. Portugaliyaliklar 20 yoshli futbolchisi 20 million yevroga sotib olish huquqi bilan 2 yilga ijaraga oldi.

“Milan” himoyachi Diyego Laksaltni “Seltik”ka ijaraga berib yubordi.

“Manchester Yunayted” PSJ sobq hujumchisi Edinson Kavani transferini e’lon qildi. Tomonlar “1+1” ko‘rinishidagi shartnomani imzolagan.

Foto: Twitter/@ManUtd

“Roma” himoyachi Kris Smollingning transfer huquqini “Manchester Yunayted”dan 15 million yevro evaziga to‘liq sotib oldi. Angliyalik futbolchi Rim klubi bilan 2023-yilga qadar mo‘ljallangan bitim tuzdi.

“Bavariya” yarim himoyachi Mikael Kyuziansni “Marsel”ga ijaraga berib yubordi. “Lids” tibbiy ko‘rigidan o‘ta olmagan futbolchi 2020/21-yilgi mavsumni Liga 1 da o‘tkazadi.

Yarim himoyachi Xose Kalyexon “Napoli”dagi 7 mavsumdan keyin erkin agent maqomida “Fiorentina”ga yo‘l oldi.

“Chelsi” yarim himoyachisi Tyemu Bakayoko ijara asosida “Napoli”ga yo‘l oldi. Belgiyalik futbolchi 2020/21-yilgi mavsumni Neapolda o‘tkazadi.

Foto: Twitter/@en_sscnapoli

“Sevilya” bir yo‘la ikki futbolchi transferini e’lon qildi. AZ yarim himoyachisi Ussama Idrissi bilan 2025-yilga qadar mo‘ljallangan shartnoma imzolangan. Shuningdek, ispan klubi “Herta” himoyachisi Karim Rekik bilan ham besh yillik bitim imzoladi.

“Manchester Yunayted” jamoasi “Portu” himoyachisi Aleks Telles transferini e’lon qildi. Telles bilan “4+1” ko‘rinishidagi bitim imzolangan. Avvalroq 27 yoshli chap qanot himoyachi transferi 20 million yevroga baholanayotgani xabar qilingandi.

“Yuventus” “Fiorentina” yarim himoyachisi Federiko Kyezani sotib olish majburiyati bilan ikki yilga ijaraga oldi. Xabar qilinishicha, ikki yillik ijara turinliklarga 10 million yevroga aylanadi, transfer huquqini qo‘lga kiritish esa 40 milliongacha boradi.

“Arsenal” Matteo Genduzini mavsum oxirigacha “Herta”ga ijaraga berdi. 21 yoshli futbolchi nemis klubida 8-raqamda o‘ynaydi.

Foto: Twitter

“Bavariya” uchinchi transferni e’lon qildi. Jamoa 10 million yevro evaziga “Marsel”ning 28 yoshli o‘ng qanot himoyachisi Buna Sarrni sotib oldi. Futbolchi bilan 2024-yilga qadar mo‘ljallangan shartnoma imzolandi.

“Roma” yana bir yarim himoyachi Diyego Perottini “Fenerbahche”ga sotib yubordi. Argentinalik futbolchi turk klubi bilan “2+1” ko‘rinishidagi shartnoma imzolagan.

“Leypsig” yarim himoyachi Jastin Klyuvertni “Roma”dan ijaraga oldi. 21 yoshli futbolchi yangi jamoasida 21-raqam ostida to‘p suradi.

Foto: Twitter

“Yuventus” himoyachisi Mattia de Shilyoni “Lion”ga bir mavsumga ijaraga berdi. 27 yoshli futbolchi 2020/21-yilgi mavsumni Fransiyada o‘tkazadi.

“Bavariya” PSJ sobiq yarim himoyachisi Erik Shupo-Moting bilan 2021-yilning 30-iyuniga qadar mo‘ljallangan shartnoma imzoladi. Myunxenliklar safiga erkin agent maqomida kelgan futbolchi yangi jamoasida 13-raqam ostida harakat qiladi.

Shuningdek, “Bavariya” “Yuventus”dan Duglas Kostani bir mavsumga ijaraga oldi.

Foto: Twitter/@FCBayern

“Tottenhem”ning 20 yoshli yarim himoyachisi Rayan Sesenyon faoliyatini “Hoffenhaym”da davom ettiradi. Nemis klubi futbolchini bir mavsumga ijaraga oldi. U yangi jamoasida 17-raqam ostida harakat qiladi.

Foto: Twitter/@tsghoffenheim

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!