Mashhurlar hayoti hamisha qiziq bo‘lganidan ko‘pincha ular haqida yolg‘on ma’lumot chiqarilib auditoriya e’tiborini tortish holatlari kuzatiladi.

Jonni Depp

Foto: Cosmopolitan

Jonni Deppning o‘lgani haqida bir emas, bir necha marta xabar tarqalgan. Aktyorning o‘zi bunday xabarlarga izoh berishni istamaydi. Bir marta aktyorning Fransiyada avtohalokatga uchragani haqida xabar fotolari bilan birga tarqalgan, keyinchalik esa bularning bari uydirma ekani ma’lum bo‘lgan. 2012-yil OAV Deppning “Yolg‘iz reynjer” filmining suratga olish jarayonida cho‘kib ketgani haqida xabar tarqalgan. Qizig‘i shundaki, baxtsiz hodisa rostan ham yuz bergan lekin vafot etgan kimsa jamoaning boshqa bir a’zosi bo‘lgan.

Dueyn Jonson

Foto: Cosmopolitan

2014-yilda aktyorning, “Forsaj-7” filmini suratga olish jarayonida vafot etgani haqida xabar tarqagan. Ammo Jonsonning o‘zi Twitter sahifasida o‘limi haqidagi xabar yolg‘onligi, bunday yolg‘on ma’lumot tarqatgan odam bilan ko‘rishish istagida ekanini yozib qoldirgan. Yana bir marta bo‘lsa, uning Yangi Zelandiyadagi suratga olish jarayonida balandlikdan yiqilib o‘lgani haqida ham ma’lumot tarqalgan. 2019-yilda ham Dueynning xavfli tryukni bajarayotgan bir vaqtda o‘ldiga chiqarilgan.

Tom Kruz

Foto: Cosmopolitan

Aktyor ko‘p hollarda xavfli tryuklarni o‘zi bajaradi va hadeb ham kaskadyorlar yordamidan foydalanavermaydi. Shu sabab ham uning Yangi Zelandiyadagi suratga olish jarayonida vafot etganini eshitgan muxlislar, ushbu ma’lumotga ishongan va qayg‘uga tushgan. Bundan yana bir necha yil keyin “Uddalab bo‘lmas topshiriq” filmining suratga olish jarayonida ham aktyorning o‘limi haqida xabar va isbot sifatida fotolar ham tarqalgan. Shunday qilib aktyor hamma vaqt bu kabi xabarlardan keyin tirikligini aytib, muxlislarini tinchlantirishiga to‘g‘ri keladi.

Britni Spirs

Foto: Cosmopolitan

2001-yilda pop ijrochisi Britnining avtohalokatda vafot etgani haqida xabar tarqalgan. OAV mazkur halokatda mashina ichida xonanda sevgilisi Jastin Timberleyk ham bo‘lganini ta’kidlagan. Keyinroq hammasi ma’lum bo‘lganidan keyin texaslik ikki boshlovchi ishdan haydalgan.

Arnold Shvartsenegger

Foto: Cosmopolitan

Kaliforniyaning sobiq gubernatori Arnold Shvartsenegger ham OAV e’tiboridan chetda qolmagan. 2015-yilda aktyor yurak xurujidan Los-Anjelesdagi uyida vafot etgani haqida xabar tarqalgan. Ertasi kuni esa aktyorning tirik va sog‘ ekani ma’lum bo‘lgan.

Sher

Foto: Cosmopolitan

Kim Kardashyan, Twitter sahifasida Sherni o‘lgani haqida xabar topgani va bu rost yoki yolg‘on ekanligini auditoriyadan so‘rab yozganidan keyin turli shov-shuvlar tarqalib ketgan. Xonandaning tanishlari esa uning sog‘ va salomatligini yozib qoldirgan. Keyinroq esa Kim, bunday mish-mish tarqatganlarga qahr-g‘azabini bildirgan.