Rossiyada so‘nggi sutkada 7212 kishida koronavirus aniqlandi, deb xabar bermoqda Meduza koronavirus infeksiyasiga qarshi kurash bo‘yicha tezkor shtabga tayanib. Bu 28-iyundan buyon kuzatilgan eng yuqori ko‘rsatkich. Shu kuni 7658 kishida koronavirus aniqlangan.
Foto: “RIA Novosti”
Rossiyada kasallanishlar soni ortib bormoqda. 23-sentabr kuni 6431 kishida, 24-sentabrda esa 6595 kishida COVID-19’ qayd etilgandi.
So‘nggi sutkada eng ko‘p kasallanish holati Moskva shahrida qayd etilgan — 1560 kishi. Bu bir kun avvalgi ko‘rsatkichdan 510 nafarga ko‘p. Moskva hukumati keksalarni uyda qolishga, ish beruvchilarni esa xodimlarini masofadan ishlashga o‘tkazishga chaqirgan. Shuningdek, Sankt-Peterburg (224), Moskva (208 kishi) va Rostov (187) viloyatlari ham kasallik tarqalishi bo‘yicha yetakchilik qilmoqda. Shu vaqt davomida mamlakatda 108 kishi COVID-19’dan vafot etgan, 4317 nafari sog‘aygan.
Mavzuga doir: Sankt-Peterburg rasmiylari tez yordam mashinalarining kasalxona qarshisida to‘planib qolishini “pandemiya belgisi” deb atadi
Rossiyada koronavirus qayd etilganlarning umumiy soni 1 136 048 nafarga yetdi. Butun pandemiya davomida bemorlarning 20 058 nafari COVID-19 qurboni bo‘lgan, 934 146 nafari sog‘aygan.
Mamlakatda koronavirusni aniqlash bo‘yicha so‘nggi sutkada 374 mingta, umumiy hisobda esa 44,3 millionta test o‘tkazilgan.
