Yengil vazn toifasida UFC chempioni Habib Nurmagomedov o‘zini afsonaviy bokschi Muhammad Ali bilan solishtirishlari haqida fikr bildirdi.

Foto: Twitter

“Bizni solishtirishlari noto‘g‘ri. U chempion — men chempionman, u musulmon — men musulmonman... Faqat shular tufayli.

Uning ringdan tashqarida qilgan ishlari esa tengsizdir. U chempion bo‘lgan vaqtda, qisqa qilib aytganda boshqa toifadan edi. Amerikada o‘sha vaqtda bu toifani qabul qilishmas edi. U o‘zining avtobiografiyasida bir voqeani yozgandi, unga restoranda xizmat ko‘rsatishmaydi va u boks bo‘yicha oltin medalini uloqtiradi.

U o‘z toifasiga bo‘lgan qarashlarni o‘zgartirgani — o‘ylashimcha, tengi yo‘q ish. Bunga tenglashish uchun, o‘sha yillarga qaytishim va qora tanli bo‘lishim kerak”, — deydi Nurmagomedov.

Eslatib o‘tamiz, Habib 24-oktabr kuni UFC 254 musobaqasida Jastin Getjiga qarshi jang qiladi.

Ali professional boksdagi faoliyati mobayni 61 jangda qatnashib, 56 marta g‘alaba qozongangan (37 nokaut) va besh marta mag‘lub bo‘lgan. Muhammad 2016-yining 3-iyunida 74 yoshida vafot etgan.