Samarqandning Bulung‘ur tumanida yo‘lda mast holda yotgan 20 yoshli yigitni Nexia bosib ketdi. Bu haqda YHXBB matbuot xizmati xabar berdi.
Voqea 11-sentabr kuni soat 05:30 larda, Bulung‘ur tumani hududidan o‘tgan 4M 503 avtomobil yo‘lining 4-kilometrida yuz bergan. 30 yoshli haydovchi M.A. Nexia’ni boshqarib ketayotib, yo‘l qatnov qismining o‘rtasida mast holda, choponga o‘ranib yotgan 20 yoshli piyoda A.E.ni ustidan bosib o‘tgan.
Oqibatda jabrlangan yigit og‘ir tan jarohatlari olib shifoxonada vafot etgan.
YTH yuzasidan Bulung‘ur tumani IIB huzuridagi TB tomonidan Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Samarqand viloyatining Samarqand tumanida to‘ydan yuk ortib chiqqan “ZIL” haydovchisi shu to‘ydan chiqqan mast kishini bosib ketgani xabar berilgan edi.
Izoh (0)