O‘zbekistonda 2020-yil 31-iyul soat 17:00 holatiga ko‘ra, koronavirus infeksiyasi qayd etilgan bemorlar soni 215 kishiga ko‘payib, 23 773 nafarni tashkil etmoqda. Bu haqda Sog‘liqni saqlash vazirligi xabar berdi.
Yangi kasallangan bemorlarining
- 151 nafari Toshkent shahrida;
- 35 nafari Buxoro viloyatida;
- 19 nafari Andijon viloyatida;
- 6 nafari Toshkent viloyatida;
- 4 nafari Qoraqalpog‘iston Respublikasida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Vazirlikning xabariga ko‘ra, 31-iyul kuni Toshkent shahrida 291 nafar, Toshkent viloyatida 184 nafar, Andijon viloyatida 41 nafar, Xorazm viloyatida 4 nafar hamda Farg‘ona viloyatida ham 4 nafar, jami 524 nafar bemor tuzaldi. Shunday qilib, O‘zbekistonda koronavirus infeksiyasiga chalingan 14 204 nafar fuqaro sog‘ayib, tuzalish ko‘rsatkichi 59 foizni tashkil qilmoqda. SSV shu kunga qadar koronavirus asoratlari oqibatida 139 nafar bemorning vafot etganini xabar qilgan.
Hozirda mamlakatda 9430 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.
