Futbol bo‘yicha Italiya chempionatining 34-turidan o‘rin olgan “Yuventus” — “Latsio” uchrashuvi 20-iyul, dushanba kuni bo‘lib o‘tdi.
Foto: “Yuventus”
Uchrashuvning birinchi bo‘limi teng kurashlar ostida o‘tdi, har ikki jamoada bir qancha imkoniyatlar yuzaga kelgan bo‘lsa-da tanaffusga qadar hisob o‘zgarmadi.
Ikkinchi bo‘lim debyutida Krishtianu Ronaldu ikki bor rimliklar darvozasini ishg‘ol qildi. Dastlab penaltini aniq amalga oshirgan portugaliyalik futbolchi, oradan uch daqiqa o‘tib Paulo Dibalaning uzatmasidan keyin bo‘sh qolgan darvozasini aniq nishonga oldi. Bunda mehmonlar o‘yin yakunlanishi arafasida Chiro Immobilening kiritgan to‘pi bilan javob qaytardi.
Mazkur g‘alabadan keyin turinliklarning ochkolari 80 taga yetdi va “Yuventus” eng yaqin ta’qibchisi “Inter”ni 8 ochkoga ortda qoldirmoqda “Latsio” (69) esa 2-o‘ringa ko‘tarilish imkoniyatini ko‘kka sovurib, 4-pog‘onada qoldi.
A Seriya
34-tur bahsi
20-iyul, dushanba
“Yuventus” — “Latsio” 2:1
Gollar: 1:0 – 51, penalti Ronaldu, 2:0 – 54 Ronaldu, 2:1 – 83, penalti Immobile.
“Yuventus”: Shensni, Aleks Sandro, Bonuchchi, de Ligt, Bentankur, Kuadrado, Remzi (Matyuidi, 57), Rabyo, Duglas Kosta (Danilo, 57), Dibala (Rugani, 89), Ronaldu.
“Latsio”: Strakosha, Acherbi, Luis Felipe (Falbo, 89), Bashtush, Latssari (Moro, 89), Parolo, Anderson (Vavro, 66), Kataldi (Anderson, 75), Milinkovich-Savich, Immobile, Kaysedo (Adekanye, 66).
Ogohlantirishlar: Anderson (37), Aleks Sandro (60), Bonuchchi (82), Danilo (88).
34-turdan so‘ng musobaqa jadvali quyidagi ko‘rinishni oldi:
Foto: A Seriya
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
