Qatarning “As-Sadd” klubi ispaniyalik yarim himoyachi Santi Kasrola transferini e’lon qildi.
Avvalroq 35 yoshli futbolchi “Vilyarreal” safidagi so‘nggi uchrashuvini o‘tkazib, klub va muxlislar bilan xayrlashgandi.
Kasorla faoliyatini Ispaniya termasidagi sobiq jamoadoshi Xavi boshqaruvidagi “As-Sadd”da davom ettirishni xohlagan.
“Biz Santi Kasorla bilan kelishuvga erishdik. Yaqin orada u qolgan rasmiyatchiliklarni yakunlash va jamoaga qo‘shilish uchun Dohaga yetib keladi.
“As-Sadd”ga xush kelibsan, Santi!”, — deyiladi klub bayonotida.
We have reached an agreement with Santi Cazorla. He will reach Doha soon to complete the formalities and join the team. Welcome to Al-Sadd, Santi!🖤🤍@19SCazorla @qatarairwaysar @pumafootball pic.twitter.com/9c2hEcRGy7
— 🏆 #81 Al Sadd SC | نادي السد (@AlsaddSC) July 20, 2020
Ma’lumot uchun, professional faoliyatini “Vilyarreal”da boshlagan Kasorla keyinchalik “Malaga”dagi o‘yinlari orqali tanildi va “Arsenal”ga yo‘l oldi. Londonda uni surunkali jarohatlar ta’qib qildi va futbolchi ikki yildan oshiq vaqtni maydondan tashqarida o‘tkazdi. 2018-yilda Kasorla “Vilyarreal”ga qaytdi va ikki mavsumni ko‘tarinki ruhda o‘tkazdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)