London okrug shossesidan o‘tgan suv quvurining yorilib ketishi oqibatida yo‘llarni suv bosdi: kamida sakkizta avtomobil suv ostida qolgan. Ular orasida qizil rangli lyuks Ferrari FF modeli ham bor, deb xabar beradi Motor. Voqea guvohlari g‘ildirak arkalariga qadar suv ostida qolgan mashinani va qutqaruvchilarni kutayotgan haydovchini videoga olishga muvaffaq bo‘lgan.
Foto: London 999 Feed
Ko‘ngilsiz hodisa 6-iyul, dushanba kuni Londondagi A406 halqa yo‘lida sodir bo‘lgan. Yo‘lning o‘tish qismi to‘liq suv ostida qolgan, ayrim joylarda suv sathi yarim metrga qadar ko‘tarilgan. Britaniya poytaxtining favqulodda xizmatlari suv toshqinini bartaraf etishga to‘rt soat vaqt sarflagan. Suv bosgan hududni kesib o‘tishga uringan mashinalar chuqurlikni hisobga olmagani sabab yo‘lda qolib ketgan.
North Circular at Brent Cross looks like a swimming pool. Avoid at all costs. pic.twitter.com/8Hcwj6TKth
— Hilary Brigden (@kilburnhils) July 6, 2020
Ular orasida Ferrari FF modeli ham bor. Aftidan, haydovchi yer yuzasi va superkarning tag qismi orasidagi masofa 120 millimetrni tashkil etadigan mashina yordamida toshqindan o‘tib ketishiga ishongan. Natijada mashina suv ichida qolib ketgan.
Foto: London 999 Feed
