Rossiya Federatsiyasi prezidenti Vladimir Putin Konstitutsiyaga kiritilgan o‘zgartirishlar bo‘yicha ovoz berishda ishtirok etdi, deb xabar beradi “RIA Novosti”.
Foto: “TASS”
U Rossiya Fanlar akademiyasining 2151-saylov uchastkasida o‘z ovozini berdi, bu yerda prezident odatda turli darajadagi saylovlarda ovoz beradi.
“Rossiya 24” telekanalida efirga uzatilgan tasvirda prezidentning niqob va qo‘lqopsiz ekanini ko‘rish mumkin.
Mavzuga oid:
Avvalroq prezident matbuot kotibi Dmitriy Peskov Putin tibbiy niqobda ovoz beradimi yoki yo‘qmi, degan savolga aniq javob bermagan edi.
“U o‘zi va atrofidagilarning sog‘lig‘iga xavf solmasdan ovoz berishda ishtirok etadi”, — degan edi Peskov.
Asosiy ovoz berish kuni arafasida Putin fuqarolarga murojaat qilib, unda Konstitutsiyaga kiritiladigan tuzatishlar faqat saylovchilarning yarmidan ko‘pi ma’qullagan taqdirdagina qabul qilinishini eslatdi. Shuningdek, prezident barchani referendumda ishtirok etishga chaqirdi.
So‘nggi ma’lumotlarga ko‘ra, 1-iyul kuni ertalab saylovchilarning umumiy ishtiroki 55 foizdan oshgan.
Avvalroq Putin har uch kunda koronavirusga test topshirayotganini ma’lum qilgan edi.
