Futbol bo‘yicha Ispaniya La Ligasining 31-turidan o‘rin olgan 24-iyun, chorshanba kungi uchrashuvlar o‘z nihoyasiga yetdi.
Foto: Twitter / @realmadrid
Madridning “Real” klubi o‘z uyida “Malyorka”ni qabul qildi. Uchrashuvning 19-daqiqasida Luka Modrichning uzatmasidan so‘ng Vinisius Junior mezbonlarni oldinga olib chiqdi. 56-daqiqada madridliklar sardori Serxio Ramos jarima zarbasini aniq ijro etgan holda, hisobni 2:0 ko‘rinishiga olib keldi. Mana shu hisob o‘yin yakuniga qadar o‘zgarmay qoldi.
Shu tariqa Zinedin Zidan shogirdlarining g‘alabali seriyasi to‘rt o‘yinga yetdi. Ushbu g‘alabadan so‘ng “Real” ochkolarini 68 taga yetkazib olgan holda birinchi o‘ringa qaytdi.
“Selta” safarda Yago Aspasning goli evaziga “Real Sosyedad”dan ustun keldi. “Alaves” esa o‘z uyida “Osasuna”ga yutqazib qo‘ydi.
La Liga
31-tur bahslari
24-iyun, seshanba
“Real Madrid” — “Malyorka” 2:0
Gollar: 1:0 – 19 Vinisius Junior, 2:0 – 56 Ramos.
“Real Madrid”: Kurtua, Karvaxal, Varan, Ramos, Mendi, Vinisius Junior (Braim Dias, 83), Modrich (Asensio, 71), Beyl (Isko, 71), Valverde, Azar (Kroos, 62), Benzema (Mariano Dias, 83).
“Malyorka”: Reyna, Valent (Games, 61), Railyo, Sedlar, Baba (Romero, 83), Kubo, Febas (Sevilya, 61), Dani Rodriges, Poso, Lago Junior (Salibur, 70), Budimir (Ernandes, 61).
Ogohlantirishlar: Budimir (8), Ramos (35), Modrich (46), Mendi (80), Kroos (87).
“Real Sosyedad” — “Selta” 0:1
Gol: 0:1 – 45, penalti Aspas.
“Alaves” — “Osasuna” 0:1
Gol: 0:1 – 64 Toni Lato.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
