“Daryo”ni Telegram’da o‘qing! Join!
23:54, 04.06.2020 134914

O‘zbekistonda 4-iyun kuni 96 kishida koronavirus aniqlandi. Yangi holatlarning 13 tasi aholi orasida qayd etildi

O‘zbekistonda 3-iyun soat 23:00 dan 4-iyun soat 23:00 gacha 96 kishida koronavirus aniqlandi.

Foto: Telegram / @ssvmatbuotkotibi

Yangi kasallanish holatlari

Yangi holatlarning 81 tasi karantin muassasalaridagi fuqarolar orasida qayd etildi. 13 tasi aholi orasida, 2 tasi xalqaro yuk tashuvchi avtomashina haydovchilarida aniqlangan.

Navoiyda kasallangan bemorlar bir kunda 35 nafarga ko‘paydi. Qoraqalpog‘istonda 29-maydan beri birinchi marta yangi holat qayd etildi. O‘shanda ham, 4-iyunda ham xalqaro yuk tashuvchi mashina haydovchisida koronavirus aniqlangan.

Aholi orasida qayd etilgan holatlarning 8 tasi Navoiyda, 4 tasi Toshkent shahrida va 1 tasi Toshkent viloyatida qayd etilgan. Bir kun avval aholi orasida faqat bitta holat qayd etilgandi.

Koronavirusdan sog‘ayish holatlari

4-iyun davomida 73 nafar fuqaro sog‘aydi. Shundan 64 nafari Toshkent shahridagi, 4 nafari Qoraqalpog‘iston Respublikasidagi hamda 5 nafari Samarqand viloyatidagi tibbiyot muassasalaridan sog‘ayib chiqdi.

Ma’lumot o‘rnida, JizzaxQashqadaryoSurxondaryoFarg‘ona va Xorazm viloyatlari koronavirusdan xoli hudud bo‘lib turibdi. Andijon (3 nafar bemor), Qoraqalpog‘iston (3 nafar bemor) va Namangan (5 nafar bemor) ham koronavirusdan xoli hududga aylanishga yaqin turibdi.

Sirdaryo va Toshkent viloyatlaridagi bemorlar esa Toshkent shahrida davolanmoqda. Eng ko‘p bemor hozir aynan Toshkent shahrida (640 kishi) bo‘lib, davolanish ko‘rsatkichi 66 foizni tashkil etmoqda. Bemorlar soni bir kun ichida keskin oshgan Navoiyda 118 kishi davolanmoqda va sog‘ayish ko‘rsatkichi bir kun oldingi 54 foizdan 45 foizga tushib ketdi.

Hozirda kasallik qayd etilgan jami 3939 nafar bemordan 3087 nafari sog‘ayib, davolanish ko‘rsatkichi 78 foizni tashkil etmoqda. Ayni paytda tibbiyot muassasalarida 836 nafar bemor davolanmoqda.

Ahvoli og‘ir bemorlar

SSV matbuot xizmati rahbarining Telegram kanalidagi axborotga ko‘ra, ayni vaqtda 9 nafar og‘ir, 1 nafar o‘ta og‘ir ahvoldagi bemor bor. Bir sutka ichida og‘ir va o‘ta og‘ir ahvoldagi bemorlar soni bir nafardan kamaygan.

15-martda epidemiya boshlanganidan beri O‘zbekistonda 16 nafar bemor COVID-19 asoratlari oqibatida vafot etgan.

Karantindagilar

Shu kungacha jami 429 209 nafar fuqaro karantinga olingan bo‘lib, ularning 380 843 nafari karantindan chiqarilgan.

Hozirda O‘zbekistonda uy karantinida 26 567 nafar, statsionar karantinda esa 21 799 nafar fuqaro tibbiy kuzatuvda bo‘lib turibdi.

Izoh qoldirishdan avval, qoidalar bilan tanishib oling: http://dy.uz/QbkeZ

Boshqa yangiliklar