“Borussiya D” hujumkor yarim himoyachisi Jeydon Sancho Bundesliga 29-turi doirasida “Paderborn”ga qarshi kechgan bahsda (6:1) uchta gol urishga muvaffaq bo‘ldi.

Foto: Twitter

20 yoshli futbolchi Germaniya chempionatining 27-turiga kelib 17 gol urdi va 16 ta golli uzatma amalga oshirdi. Bu bilan futbolchi 2006/07-yilgi mavsumdan beri Yevropa top-5 ligalarida bir mavsum davomida 15+ gol va 15+ assistga muallif bo‘lgan beshinchi futbolchiga aylandi.

Unga qadar ushbu natijaga Lionel Messi (4 marta), Eden Azar (2 marta), Krishtianu Ronaldu va Luis Suares erisha olgan, xolos.

Joriy mavsumda Sancho barcha musobaqalarda 39 o‘yin o‘tkazib, 20 gol va 18 ta samarali uzatmani o‘z hisobiga yozdirib qo‘ydi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!