Bugun,

  • USD 11014.01
  • RUB 191.8
  • EUR 10674.78

“Paxtakor” klubi bosh murabbiyi Shota Arveladze qishda jamoa jamoa safiga kelib qo‘shilgan Eren Derdiyok va Emmanuel Adebayorning o‘xshamay qolgan transferi haqida fikr bildirdi.

Foto: Yandex Photos

Foto: Yandex Photos

“Adebayor bilan dekabrda Londonda uchrashdik. Uni Toshkentga kelish va barchasini o‘z ko‘zi bilan ko‘rishga ko‘ndirdik. Axir faqat moliyaviy tomon emas, boshqa jihatlar muhim: yashash, mashg‘ulot va o‘yin o‘tkazadigan joy. Biroq oxir-oqibat kelishuv o‘xshamadi — u uzoq parvozlarni yoqtirmaydi, hatto biroz qo‘rqadi ham.

Adebayor yiliga 1,5 million yevro maosh so‘radi. Derdiyokniki undan bir necha barobar kam. Eren bilan yaxshi tanish bo‘lishimga qaramasdan uni ko‘ndirish qiyin bo‘ldi. Birinchi navbatda u oilasi haqida qayg‘urdi. Turkiyada so‘nggi vaqtlarda deyarli o‘ynamayotgan edi. Bunday sharoitda qaror qabul qilishing kerak: sen yoki futbolchisan yoki shunchaki pul topadigan biznesmen. U terma jamoaga qaytmoqchi, Yevropa chempionatlarida o‘ynashni istaydi. O‘ylashimcha, u “Paxtakor”ga o‘tib to‘g‘ri qildi: Osiyo Chempionlar Ligasi, yaxshi sharoit”, — deydi Arveladze.

Derdiyok 2008—2017-yillar oralig‘ida Shveysariya terma jamoasida to‘p surgan. Klub miqyosida 31 yoshli forvard “Bazel”, “Bayer”, “Hoffenhaym”, “Galatasaroy” va boshqa bir qator jamoalar libosini himoya qilgan. “Paxtakor”ga kelishdan avval u Turkiyaning “Go‘ztepe” klubida harakat qilayotgandi.

Eslatib o‘tamiz, avvalroq Emmanuel Adebayor “Paxtakor”da paydo bo‘lishi mumkinligi haqida xabarlar paydo bo‘lgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
Audiosi tarqalgan Oqqo‘rg‘on tumani IIB sobiq xodimi ushlandi
Mahalliy
Yunusobod tumani hokimligi sobiq mansabdori fuqaroni 30 ming dollarga chuv tushirdi
Mahalliy
O‘zbekistonda kelayotgan hafta boshida qanday ob-havo kutilmoqda?