Boks bo‘yicha og‘ir vazn toifasida sobiq chempion Mayk Tayson qamoqxonada urishishga to‘g‘ri kelgani haqida aytib o‘tdi.

Foto: Yandex Photos

Bokschi bu vaziyat aynan qachon sodir bo‘lganini ochiqlamagan. Tayson 3 bor qamoqda o‘tirgan: avvaliga uch yil, keyin 3,5 oy va 2008-yilda bir sutka.

“Faqat bir marta mushtlashganman. Kimdir nimadir degan, uning yoniga borganman va musht tushirganman. Biz uzoq vaqt taqiqlar ichida qoldik, sport zalga bora olmasdik. Bu menga yomon ta’sir qilar va tushkunlikka solardi”, — deydi Tayson.

Avvalroq Tayson ringga qaytish va bir nechta ko‘rgazmali janglarda ishtirok etish istagida ekanini ma’lum qilgandi. Oradan vaqt o‘tib, 57 yoshli Evander Holifild ham boksga qaytishini e’lon qildi.

Mayk Taysonning eng esda qolarli janglarini tomosha qiling → ko‘rish.