Toshkentda Hyundai rasmiy dilerlik markazining ochilganiga ham bir yildan ko‘proq vaqt bo‘ldi. “Hyundai Auto Asia” MChJ QK direktori, Janubiy Koreya Hyundai avtomobil brendining O‘zbekistondagi rasmiy distribyutori Aydin Kaimov bizga kompaniyaning pandemiyaga qarshi kurashda qanday ijtimoiy ko‘mak ko‘rsatayotgani va hozirgi voqelikda biznes qanday rivojlanayotgani haqida gapirib berdi.
- Aydin Zlaudunovich, bir yillik ish faoliyatingiz mobaynida kompaniyangiz mamlakatning avtomobil bozorida o‘z mavqeyini mustahkamlabgina qolmay, balki pandemiya tarqalishiga qarshi kurashishda yordam ko‘rsatib, o‘zini ijtimoiy mas’uliyatli biznes sifatida namoyon qila oldi. Ijtimoiy ko‘mak doirasida qanday ishlar amalga oshirildi va nimalar qilish rejalashtirilmoqda?
- COVID-19 pandemiyasi butun dunyo bo‘ylab milliardlab insonlar va millionlab kompaniyalarning rejalariga jiddiy o‘zgartirishlar kiritdi va shuni ta’kidlab o‘tish joizki, O‘zbekiston hukumati virusning respublika bo‘ylab tarqalishi xavfiga qarshi juda tezkorlik bilan choralar ko‘rmoqda, virus tarqalishining oldini olish va unga qarshi kurashish uchun qancha kuch va mablag‘ sarf qilmoqda.
O‘z navbatida, vaziyat katta yo‘qotishlar va noxush oqibatlarsiz hal qilinishi uchun biz davlat tomonidan ko‘rilayotgan choralarni to‘la qo‘llab-quvvatlaymiz. Shu munosabat bilan Hyundai Auto Asia O‘zbekiston tibbiyot muassasalariga virus tarqalishining oldini olish uchun moliyaviy ko‘mak sifatida shaxsiy himoya vositalari va zarur jihozlarni sotib olish uchun 35 ming dollar ajratdi. Kompaniyamiz mamlakat Prezidenti janob Mirziyoyevning “Saxovat va ko‘mak” umummilliy harakatida ishtirok etish to‘g‘risidagi chaqirig‘ini qo‘llab-quvvatlaydi, uning doirasida biz kam ta’minlangan 300 ta oilaga uch oy davomida moliyaviy yordam ko‘rsatamiz, har bir oila uchun oyiga 1 000 000 so‘m miqdorida mablag‘ ajratamiz. Shunday qilib, biz Toshkent shahridagi oilalarga 900 000 000 so‘m miqdorida yordam ko‘rsatamiz.
Biznesga kelsak, aytingchi, u qanday rivojlanmoqda?
Biz faoliyatimizda “uch S” tamoyiliga tayanamiz, ya’ni Sales (avtomobillarni sotish), Service (xizmat ko‘rsatish), Spare parts (original ehtiyot qismlarni sotish), mijozlarimizni avtomobil tanlash bosqichida ham, kelgusida foydalanish vaqtida ham har tomonlama qo‘llab-quvvatlaymiz.
Biznesimizni qurishimiz yaxshi boshlandi va buning uchun qulay muhitga ega edik. Shu vaqt ichida Buxoroda yana bir dilerlik markazi ochildi, Namanganda avtomobillarni onlayn sotish xizmati yo‘lga qo‘yildi. Yaqin kelajakda avtomobillar modellarining qatorini to‘ldirish va poytaxtning obro‘li tumanlaridan biri bo‘lgan Toshkent sitida dilerlik markazini ochish rejalashtirilmoqda. Umuman olganda, O‘zbekistondagi dilerlik markazlarini qamrab olish geografiyasini kengaytirish vazifasi rejaga muvofiq amalga oshirilmoqda.
- Bizga ma’lumki, siz avtomobillarni onlayn sotish formatiga o‘tdingiz. Masofadan avtomobil sotib olishda qandaydir tafovutlar bo‘ladimi va ushbu xizmatdan foydalanish uchun mijozlardan nimalar talab qilinadi?
Karantin joriy etilgani sababli, Toshkent, Buxoro va Namangandagi Hyundai Auto Asia dilerlik markazlari vaqtincha oflayn rejimda faoliyat yurita olmaydi. Shu munosabat bilan biz o‘z ishimizni shunday tashkillashtirdikki, unga ko‘ra mijoz uydan chiqmasdan, bizning saytimiz yoki Telegram botimiz orqali model va to‘liq jamlanmani tanlashi, narxlari, xususiyatlari, lizing dasturlari, aksiyalar bilan tanishishi va shartnoma tuzish uchun ariza rasmiylashtirishi mumkin. 10-15 daqiqa ichida kompaniyaning biriktirilgan menejeri mijoz bilan bog‘lanadi, unga maslahat beradi va tafsilotlarni aniqlashtirib oladi.
Agar xarid lizing asosida amalga oshirilsa, u holda lizing kompaniyasining menejeri xaridor bilan bog‘lanadi va unga tanlagan modeli uchun to‘lovni amalga oshirishning turli xil usullari va jadvallarini taqdim etadi. Xarid tasdiqlanganidan so‘ng, mijozga shartnoma va hisob varaq yuboriladi, to‘lov Apelsin, Payme ilovalari yoki bank orqali amalga oshirilishi mumkin.
Tanlangan avtomobil dilerlik markazida mavjud bo‘lsa, to‘lov amalga oshirilganidan so‘ng ish kuni davomida karantin xavfsizligi choralariga rioya qilgan holda avtomobil to‘g‘ridan to‘g‘ri mijozning uyiga yetkazib beriladi.
- Dunyo bo‘ylab ko‘plab kompaniyalar yo‘qotishlar va ishning to‘xtab qolishi sababli xodimlarni noma’lum muddatga ishdan bo‘shatishni boshladi. Sizning kompaniyangiz xodimlaringizga nisbatan qanday choralar ko‘rmoqda?
Dilerlik markazlarining yopilishi va masofadan ishlashga o‘tilishi munosabati bilan karantin choralari joriy qilingan dastlabki kunlardan boshlab, biz hech kimni o‘z hisobidan mehnat ta’tiliga chiqarmaslikka, balki xodim masofadan ishlash yoki ishlamasligidan qat’iy nazar, ish haqining 50 foizini to‘lashga qaror qildik. Biz biznes nafaqat foyda olish, balki mijozlar oldida bo‘lgani kabi, o‘z xodimlarimiz oldida ham katta mas’uliyat ekanligini anglaymiz. Biz o‘z jamoamizni qadrlaymiz va ushbu qiyin vaqtdan munosib tarzda o‘tib olish uchun qo‘limizdan kelganini qilamiz.
Reklama huquqi asosida.