20-aprel kuni Tashqi mehnat migratsiyasi agentligi tomonidan Rossiyada turli baxtsiz hodisalar oqibatida vafot etgan 17 nafar fuqaroning jasadi O‘zbekistonga olib kelindi. Bu haqda agentlik matbuot xizmati xabar berdi.
Ma’lumotlarga ko‘ra, vafot etganlarning jasadi Rossiya–Qozog‘iston–O‘zbekiston yo‘nalishi bo‘yicha avtomobil transporti orqali olib kelindi.
“Fuqarolarning jasadlari O‘zbekiston Favqulodda vaziyatlar vazirligi hamda Bojxona qo‘mitasi xodimlari bilan hamkorlikda chegara postidan olib o‘tilib, yashash manzillari bo‘yicha jo‘natildi”, — deyiladi ma’lumotda.
Ta’kidlanishicha, Rossiyada vafot etganlarning birortasi ham koronavirus infeksiyasiga chalinmagan.
Avvalroq Rossiyada 42 o‘zbekistonlik koronavirusga chalingani haqida xabar berilgandi.
Mavzuga doir: Moskva meri koronavirus belgilari bor shaxslar bilan yashayotganlarning ko‘chaga chiqishiga ruxsat berdi
Izoh (0)