“Osmondagi bolalar”da “Emmanuel” filmini tomosha qilish jarayoni qanday suratga olingan? (video)

Rejissor Zulfiqor Musoqovning “Osmondagi bolalar” filmidagi Xurshid roli bilan mashhurlikka erishgan aktyor Davron G‘ulomov “Daryo” internet-nashriga eksklyuziv intervyu berdi. Intervyuni jurnalist Feruz Muhammad tashkillashtirdi.

Davron G‘ulomov suhbat davomida “Osmondagi bolalar” filmidagi “Emmanuel” 18+ epizodining suratga olinishi bilan bog‘liq qiziqarli jarayon haqida gapirib berdi.

‘Osmondagi bolalar’ filmidagi o‘sha epizodni ‘Emmanuel’ filmini tomosha qilib suratga olmaganmiz. Biz u yerda ‘Tom va Jerri’ multfilmini ko‘rib, ‘Emmanuel’ filmini ko‘rgandek taassurot chiqarib berganmiz.

O‘sha taassurotni chiqarib berishning o‘zi ham murakkab bo‘lgan. O‘sha filmni ko‘rmasangiz, unaqa holatni chiqarib berish mushkul, ammo jamoamiz hamjihat bo‘lgani uchun ishonarli epizod chiqqan.

Rejissorimiz Zulfiqor Musoqov ham o‘zimizga qo‘yib berganlar, ‘mana o‘ynanglar, sizlar shunaqa filmni ko‘rganlaringizda qanaqa bo‘lardi’, deganlarida, hammamiz o‘zimizcha tasavvur qilib o‘ynab berishga harakat qilganmiz.

Davron G‘ulomov, aktyor, tadbirkor

Ma’lumot uchun, “Osmondagi bolalar” filmi rejissor Zulfiqor Musoqov tomonidan 2002-yilda, “Osmondagi bolalar 2” filmi esa 2003-yilda suratga olingan.