Аввалроқ Ўзбекистон ҳудудига 7—9 апрель кунлари Волгабўйи тумани (Астрахан) орқали Россиянинг Европа ҳудуди (Москва вилояти) устида шаклланган нам ва совуқ ҳаво оқимлари кириши ҳақида хабар берилган эди.
Унга кўра, республика бўйлаб вақти-вақти билан ёмғир, 8 апрелда айрим жойларда кучли ёмғир ёғиши мумкинлиги таъкидланган. Шунингдек, шамол тезлиги кучайиб, баъзи жойларда қор аралаш ёмғир ёғиши прогноз қилинган эди. 8 апрель, чоршанба куни, эрта тонгда Самарқанд вилоятининг Қўшработ туманида қор ёғгани ҳақида хабар берилган.
Тошкент шаҳрида ҳам тушдан сўнг, соат 17:00 дан ўти,б қор ёғишни бошлади. «Дарё» мухбири қор ёғиш жараёнини кадрларга муҳрлади.
9 апрель, пайшанба куни, эрталаб айрим жойларда ёғаётган ёмғир қорга айланиши мумкин. Ҳарорат кечаси 0-5 даража, айрим жойларда 1 даража совуқ, кундузи эса 5-10 даража илиқ бўлиши кутилмоқда.
