O‘zbekistonda koronavirus infeksiyasini yuqtirib olgan fuqarolar soni 27-mart kuni soat 9:00 holatiga ko‘ra 8 nafarga ko‘payib, 83 nafarga yetdi.

Bu haqda Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov “O‘zbekiston 24” telekanalida qilgan chiqishida ma’lum qildi.

Sog‘liqni saqlash vazirligidan ma’lum qilishlaricha, ushbu infeksiyani yuqtirib olganlarning besh nafari Toshkent shahrida, uch nafari esa Andijonda qayd qilingani tasdiqlangan.

Nurmat Otabekovning qo‘shimcha qilishicha, bemorlarning 15 nafarida o‘pka yallig‘lanishi kuzatilmoqa, yetti nafar bemornin ahvoli esa shifokorlar tomonidan og‘ir deb baholanmoqda.

Mavzuga doir: O‘zbekistonda koronavirusga chalingan 72 yoshli fuqaro infarktdan vafot etdi — Sog‘liqni saqlash vazirligi