Xorazm viloyatining Hazorasp va Yangibozor tumanlarida 14-mart kuni hududiy kengashlarning navbatdan tashqari sessiyasilari bo‘lib o‘tdi, deya xabar bermoqda viloyat hokimligi matbuot xizmati.

O‘ktam Masharipov.

Foto: Xorazm viloyati hokimligi matbuot xizmati

2018-yildan beri viloyatning Yangibozor tumaniga hokimlik qilib kelgan O‘ktam Masharipov Hazorasp tumani hokimi etib tasdiqlandi.

Yangibozor tumani ma’muriyati rahbarligiga O‘ktamboy Qurbonov tayinlangan. U 2018-yildan beri viloyat hokimining qishloq va suv xo‘jaligi masalalari bo‘yicha o‘rinbosari sifatida ishlab kelayotgan edi.

O‘ktamboy Qurbonov

Foto: Xorazm viloyati hokimligi matbuot xizmati

Avvalroq Xorazm viloyatining Yangiariq tumaniga ham yangi hokim tasdiqlangani haqida xabar berilgan edi. Ushbu o‘zgarishlar Prezident Shavkat Mirziyoyevning Xorazmga safaridan so‘ng yuz bermoqda.