“Daryo” tahririyatiga Toshkent viloyati Bo‘ka tumanida yashovchi Fayzullo Ahmedov murojaat qilib, gemorragik vaskulit kasalligiga chalingan farzandiga moddiy yordam so‘radi.
Ismim Fayzullo. Bo‘ka tumanidagi Muhammad Yusuf ko‘chasi 42-uyda yashayman.Bir o‘g‘il va uch qizim bor. O‘g‘lim Komiljonda 2018-yil martda gemorragik vaskulit kasalligining alomatlari aniqlangan. Shundan keyin ko‘p davolatdik. Ancha gormonlar oldi. Sog‘lig‘i yaxshi tomonga o‘zgarib, o‘qishga hujjat topshirdi.Tojiboyev Komiljonga xayriya qilmoqchi bo‘lganlar uchun ma’lumotlar:2018-yil O‘zbekiston Milliy universitetining Geografiya va geodeziya fakultetiga grandga kirdi. Juda ham xursand edik. Lekin 2019-yilning oktabrida o‘qishga ketayotgan joyida hushidan ketib qoldi. Shifoxonaga olib bordik, analizlar olishdi. Shifokorlarning aytishicha, surunkali buyrak yetishmovchiligi aniqlanibdi. Bu vaskulitning asorati ekan. Bu kasallik kamdan kam odamlarda uchrarkan.
Hozir o‘g‘limning immuniteti tushib ketgan. Shifokorlarning aytishicha, tashqaridan kirgan zararli viruslar ichki a’zolarini yemirayotgan ekan. Viruslar avval buyragiga, keyin jigari va yuragiga o‘tarkan.
Ularni faqat davolab to‘xtatish mumkin xolos
Afsuski, O‘zbekistonda bu kasallikni davolab bo‘lmas ekan. Hindistonga borishimizni tavsiya qilishdi. Hind shifokorlari bilan gaplashdik. Ular hozir kasallik eng rivojlangan paytdaligi uchun davolash oson bo‘lmasligini aytishdi.
Davolash uchun 6-7 ming AQSh dollari atrofida pul kerak ekan. Undan keyin operatsiya. Jarrohlik amaliyotiga esa 16 ming dollar pul zarurligini aytishdi. Bundan tashqari hujjatlar, yo‘l xarajatlari hammasi bo‘lib, 25 ming dollar atrofida pul kerak.
Harakat qilyapmiz-u, qo‘limiz biroz kaltalik qilyapti
Borimni sotib bo‘ldim. Uyimni ham yaqinda sotuvga qo‘ydim. Yordam so‘rab bormagan joyim qolmadi. Oxiri sizlarga murojaat qildim. Farzand ekan, ko‘zingiz qiymaydi. Uyga kirsangiz mung‘ayib o‘tiradi.
Hozir buyragi ishlamayotgani uchun uxlolmayapti. Kunda bir soat, yarim soat uxlasa ham o‘tirib uxlaydi xolos. Yotsa, havo yetmay qoladi. Agar kunora muolaja olmasa, ahvoli yanada og‘irlashadi.
Olti oydan beri kunora shifoxonaga boramiz. Bitta kursimiz 400-500 ming so‘mga tushyapti.
Odam qiynalib ketdi. O‘zingizni joningiz og‘risa, mayli ekan, sabr qilasiz. Lekin joningizdan ortiq tilab olgan farzandingiz shu ko‘yga tushsa...Ko‘rib, tamom bo‘lyapman. Bolam ko‘z oldimda so‘lib boryapti, mening esa qo‘limdan hech narsa kelmayapti...
Turmush o‘rtog‘im uy bekasi, men esa mavsumiy ishda ishlayman. Uyimni sotuvga qo‘yganman. Lekin xaridorlar 12 ming dollardan ortig‘iga ko‘nmayapti. Sotganimda ham bu summa operatsiyaning yarmiga ham yetmaydi.
Bor umidim Qodir Allohdan va saxovatli yurtdoshlarimizdan. Ilohim, hech kim bolam, deb yig‘lamasin. Yakka-yu yagona o‘g‘limning sog‘ayib ketishiga yordam berishlarini so‘rayman.
Plastik karta orqali
Tojiboyev Komiljon nomiga ochilgan“Asakabank”: 86 00 13 09 47 93 61 77
Pasport ma’lumotlari:Ahmedov Fayzulla AС 004 57 32
Otasining telefon raqami:+998 93 112-10-35
Izoh (0)