Markaziy bankning Navoiy viloyati bosh boshqarmasiga yangi rahbar tayinlandi

O‘zbekiston Markaziy banki Navoiy viloyati bosh boshqarmasiga Islombek Saidov yangi rahbar etib tayinlandi. Bu haqda boshqarma ma’muriyati “Daryo”ga xabar berdi.

Islombek Saidov ushbu tayinlovgacha Navoiy viloyati Markaziy banki bosh boshqarmasi boshlig‘ining o‘rinbosari sifatida faoliyat olib borgan.

Islombek Saidov 2002-yilda Navoiy davlat konchilik instituti hamda 2006-yilda Toshkent moliya institutini tamomlagan.