Futbol bo‘yicha Angliya Premyer ligasining 24-turi doirasida 23-yanvar, payshanba kuni Yurgen Klopp qo‘l ostidagi “Liverpul” mehmonda Nunu Eshpiritu Santu boshqaruvidagi “Vulverhempton” jamoasiga qarshi maydonga tushdi.

Foto: Reuters

Uchrashuvning 8-daqiqasida “qizillar” sardori Jordan Henderson hisobni ochgan bo‘lsa, 51-daqiqaga kelib “bo‘rilar” hujumchisi Raul Ximenes Adama Traore uzatmasini golga aylantirdi (1:1). 84-daqiqada esa mersisaydliklar hujumchisi Roberto Firmino Ruy Patrisiu qo‘riqlayotgan darvozaga gol urdi.

Shu tariqa “Liverpul” safarda kechgan bahsda “Vulverhempton”ni 2:1 hisobida mag‘lub etdi va navbatdagi 3 ochkoga ega bo‘ldi.

Ushbu g‘alabadan so‘ng musobaqa jadvalida mutlaq yetakchilik qilayotgan “Liverpul” ochkolari sonini 67 taga yetkazib oldi. Eshpiritu Santu shogirdlari esa 34 ochko bilan 7-o‘rinda bormoqda.

APL

24-tur bahsi

23-yanvar, payshanba

“Vulverhempton”—“Liverpul” 1:2

Gollar: 0:1 — 8 Henderson, 1:1 — 51 Ximenes, 1:2 — 84 Firmino

“Vulverhempton”: Ruy Patrisiu, Doerti, Kastro, Koudi, Saiss, Ruben Nevesh, Dendonker, Netu (Diogu Jota, 77), Moutinyu (Gibbs-Uayt, 87), Traore, Ximenes

“Liverpul”: Alisson, Robertson, Gomes, van Deyk, Aleksander-Arnold, Veynaldum, Oksleyd-Chemberlen (Fabinyo, 70), Henderson, Mane (Minamino, 33), Firmino, Saloh (Origi, 85)

Ogohlantirishlar: Robertson (55)

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!