Yangi yilning ilk haftalarida Yo‘l harakati xavfsizligi boshqarmasi xodimlari profilaktik tadbirlarga urg‘u bermoqda, deb xabar beradi poytaxt IIBB matbuot xizmati.

Foto: “Daryo”

Qayd etilishicha, YHXB inspektorlari haydovchi va piyodalarga yo‘l harakati qoidalari, qoidabuzarlik uchun javobgarlik ko‘zda tutilganini eslatmoqda.

“Bu kabi ishlar natija berishi har bir insonning o‘ziga, uning tarbiyasiga, o‘zini boshqara olishiga, umumiy madaniyatiga bog‘liq. Biroq ba’zi holatlarda ma’muriy javobgarlik to‘g‘risidagi bayonnomalarsiz ish bitmaydi”, — deyiladi xabarda.

2020-yilning 13-yanvar kunidan 19-yanvargacha IIBB YHXB YPX xodimlari tomonidan 9 920 ta yo‘l harakati qoidabuzarligi bo‘yicha bayonnoma tuzildi, shulardan 1 900 tasi qo‘pol tarzdagi qoidabuzarliklardir. Bundan tashqari 1329 tasi to‘xtash va to‘xtab turish qoidalarini buzish, 627 tasi zarur hujjatlarsiz boshqarish, 553 tasi svetoforning taqiqlovchi chirog‘ini mensimaslik hisoblanadi.

Foto: Toshkent shahar IIBB matbuot xizmati