Turkiyada Gyulenga aloqador 176 nafar ofitserni hibsga olish bo‘yicha order berildi

Turkiyaning Izmir shahri prokuraturasi FETO ma’ruzachisi Fetxulla Gyulen harakatiga aloqador deb gumon qilingan 176 nafar ofitserni qo‘lga olish bo‘yicha order berdi, deb xabar qiladi “RIA Novosti”.

Ta’kidlanishicha, Gyulenning tarafdorlari deya taxmin qilinayotgan shaxslarni qo‘lga olish mamlakatning 49 ta viloyatida amalga oshirilmoqda. Gumonlanuvchilar orasida amaldagi 108 ta leytenant va katta leytenantlar, shuningdek, olti nafar F-16 qiruvchi samolyotining uchuvchisi bor. Hozirda ularning 115 nafari qo‘lga olingan.

Turkiya hukumati Gyulen tashkilotini 2016-yil iyuldagi davlat to‘ntarishiga aloqador deb hisoblaydi. Qo‘zg‘olondan keyin Turkiyada 80 mingdan ortiq odam hibsga olingan, 160 mingdan ortiq davlat xizmatchisi ishdan olingan yoki chetlatilgan. AQShda istiqomat qiluvchi Gyulenning o‘zi ushbu ayblovni rad etgan.

2019-yilning aprelida ham Turkiyada 200 dan ortiq harbiy aynan shu masala bo‘yicha hisbga olingandi.