Bugun,

  • USD 11095.31
  • RUB 173.84
  • EUR 10772.44

Rossiyaning eng yaxshi onkolog-jarrohlaridan biri Andrey Pavlenko 5-yanvar, yakshanba kuni oshqozon saratoni oqibatida vafot etdi. Bu haqda “Takiye dela” nashriga asoslanib Meduza xabar berdi.

Foto: “TASS”

Foto: “TASS”

Onkologning o‘limidan avval yozib qoldirgan videomurojaati e’lon qilindi.

Videomurojaatda aytilishicha, “Takiye dela” nashri onkologik kasalliklarga chalingan insonlarning hayot uchun kurashi haqida hikoya qiluvchi jurnalist, fotograf va hujjatli filmlar ijodkorlari uchun Andrey Pavlenko nomidagi grantni joriy qildi.

Grant uchun mablag‘ Patreon saytida yig‘iladi. Yig‘ilgan pulning yarmi uning o‘limidan so‘ng boquvchisini yo‘qotgan Pavlenkoning oilasiga, yarmi esa grant qo‘mitasiga o‘tkaziladi.

Andrey Pavlenko o‘limidan bir necha kun oldin Facebook’dagi sahifasida onkologik kasalliklar bilan kurashayotgan insonlarga videomurojaat yo‘llab, ularni taslim bo‘lmaslikka chaqirgan edi.

Andrey Pavlenko Rossiyaning eng yaxshi onkolog-jarrohlaridan biri edi. Unga 2018-yilning bahorida oshqozon saratoni tashxisi qo‘yilgan edi. Shundan so‘ng u “Takiye dela” sayti orqali “Inson hayoti” rubrikasini tashkil etib, videokundalik yurita boshladi. Videomurojaatlarda u kasallik bilan qanday kurashayotgani hamda Rossiyada onkologik kasalliklar qanday davolanishi haqida ma’lumot berardi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi