Turkiyadagi MNG Jet aviakompaniyasi xodimi keyinchalik Nissan sobiq rahbari Karlos Gon ekanligi ma’lum bo‘lgan kishini mamlakatdan olib chiqib ketishga yordam ko‘rsatmasa, oilasiga zarar yetkazish bilan tahdid qilishganini aytdi. Bu haqda IHA agentligi xabar berdi.
Agentlikning ma’lumot berishicha, MNG Jet amaliyot bo‘limining hibsga olingan boshlig‘i O‘kan Ko‘semen sobiq tanishi unga tahdid qilganini bildirgan.
“Bayrutlik sobiq tanishim menga qo‘ng‘iroq qilib xalqaro ahamiyatga molik ish borligini, agarda yordam bermasam, xotinim va bolamga zarar yetishini aytdi. Men qo‘rqib ketdim. Aeroportga samolyotda keltirilgan kishini boshqa samolyotga olib o‘tdim. Uning kimligini bilmadim”, — degan u.
Avvalroq MNG Jet Gon Yaponiyani tark etganligi taxmin qilingan samolyot yo‘lovchilari ro‘yxatida uning ismi bo‘lmaganligini bildirgandi. Kompaniyaning qayd etishicha, uning xodimlaridan biri ma’lumotlarni soxtalashtirganini tan olgan.
Izoh (0)