Futbol bo‘yicha Angliya Premyer ligasining 21-turi doirasida 1-yanvar, chorshanba kuni dastlabki 5 ta uchrashuv bo‘lib o‘tdi.
Frenk Lempard qo‘l ostidagi Londonning “Chelsi” klubi “Brayton” maydoniga safar qildi.
Bellashuvning 10-daqiqasida “aristokratlar” himoyachisi Sesar Aspilikueta hisobni ochgan bo‘lsa, 84-daqiqaga kelib mezbon jamoa yarim himoyachisi Alirizo Jahonbaxsh super gol muallifiga aylandi (1:1).
Shu tariqa o‘yin 1:1 hisobida yakunlandi va tomonlar bir ochkodan bo‘lishib oldi.
Ma’lumot uchun, “Chelsi” 36 ochko jamg‘argan holda musobaqa jadvalida 4-o‘rinda bormoqda. “Brayton” esa 24 ochko bilan 13-pog‘onani egallab turibdi.
Shu kuni Brendan Rojers boshqaruvidagi “Lester” esa mehmonda “Nyukasl”ni sinovdan o‘tkazdi.
Uchrashuv davomida “tulkilar” a’zolari Ayose Peres (36), Jeyms Meddison (39) hamda Hamza Chouduri (87) Martin dubravka qo‘riqlayotgan darvozaga birin-ketin gol urdi va jamoa yirik hisobda g‘alaba qozondi (3:0).
Ushbu g‘alabadan so‘ng musobaqa jadvalida ikkinchi o‘rinda borayotgan “Lester” ochkolari sonini 45 taga yetkazib oldi. “Nyukasl” esa 25 ochko bilan 12-o‘rinni band qilib turibdi.
Joze Mourinyo boshliq Londonning “Tottenhem” klubi esa “Sauthempton” bilan bahsga kirishdi.
O‘yindagi yagona gol 17-daqiqada mezbon jamoa hujumchisi Denni Ingz tomonidan urildi (1:0).
Natijada “shporlar” kichik hisobda mag‘lub bo‘ldi va ochko yo‘qotdi.
Mazkur turdan so‘ng “Tottenhem” 30 ochko to‘plab, musobaqa jadvalida 6-o‘rinni egalladi. “Sauthempton” esa 25 ochko yig‘ib, 11-o‘ringa ko‘tarilib oldi.
APL
21-tur bahslari
1-yanvar, chorshanba
“Brayton”—“Chelsi” 1:1
Gollar: 0:1 — 10 Aspilikueta, 1:1 — 84 Jahonbaxsh“Byornli”—“Aston Villa” 1:2
Gollar: 0:1 — 27 Uesli, 0:2 — 41 Grilish, 1:2 — 80 Vud“Nyukasl”—“Lester” 0:3
Gollar: 0:1 — 36 Peres, 0:2 — 39 Meddison, 0:3 — 87 Chouduri“Sauthempton”—“Tottenhem” 1:0
Gol: 1:0 — 17 Ingz“Uotford”—“Vulverhempton” 2:1
Gollar: 1:0 — 30 Delofeu, 2:0 — 49 Dukure, 2:1 — 60 NetuYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!