Qozog‘iston hukumati o‘lim jazosini butunlay bekor qilishga qaror qildi, deb xabar bermoqda “Interfaks”.
“Shuningdek, bizning huquq himoyachilarimiz tomonidan faol ravishda ko‘tarilgan muammolarni hal qilish vaqti keldi”, — degan prezident Qosim-Jo‘mart To‘qayev davlat rahbari boshchiligidagi Milliy jamoatchilik ishonchi kengashining yig‘ilishida.
U Tashqi ishlar vazirligiga o‘lim jazosini bekor qilishga qaratilgan Fuqarolik va siyosiy huquqlar to‘g‘risidagi xalqaro paktning ikkinchi fakultativ protokoliga qo‘shilish jarayonini boshlash vazifasini topshirdi.
Qozog‘istonda o‘lim jazosini qo‘llash bo‘yicha 2003-yildan buyon muddatsiz moratoriy joriy etilgan. Bunda o‘lim jazosi jinoiy jazo turi sifatida moratoriy tomonidan bekor qilinmagan va moratoriy bekor qilingandan keyin bir yil o‘tgach amalga oshirilishi mumkin. 2004-yildan buyon uning o‘rniga umrbod ozodlikdan mahrum qilish jazosi qo‘llanilmoqda.
Hozirda Qozog‘istonda o‘limga hukm qilingan 1 nafar mahbus bor. U Ruslan Kulekbayev bo‘lib, 2016-yilda Olmaotada 10 kishini otib tashlagan.
Izoh (0)