IShIDning 49 nafar a’zosi Afg‘oniston harbiylariga taslim bo‘ldi

Afg‘oniston sharqidagi Nangarxor viloyatining Ochin qishlog‘ida IShID terrorchilik tashkilotining 49 nafar jangarisi va ularning oila a’zolari armiya maxsus qo‘shini askarlariga taslim bo‘lgani haqida mamlakat maxsus belgilangan armiyasi korpusi axborot xizmati xabar berdi, deb yozmoqda “Interfaks”.

Ular harbiylarga taslim bo‘lib, 35 ta Kalashnikov avtomatini topshirgan. Shuningdek, ularning oila a’zolari: 23 nafar ayol hamda 43 nafar bola ham harbiylarga taslim bo‘lgan.

Axborot xizmati xabariga ko‘ra, bir oy ichida hukumatning terrorchilikka qarshi kurash operatsiyalarida, jumladan, Nangarxorda AQSh ko‘magida o‘tkazilgan harakatlar natijasida IShIDning mingdan ortiq a’zosi taslim bo‘lgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.