Xitoy Rossiya va AQShning qurolsizlanish bo‘yicha muzokaralarida ishtirok etishdan bosh tortdi

Xitoy Rossiya va AQSh o‘rtasida yadroviy qurolsizlanish bo‘yicha muzokaralarda ishtirok etmaydi, biroq o‘zining yadro salohiyatini qisqartirishga tayyor. Bu haqda Xitoy TIV qurol-aslaha ustidan nazorat departamenti direktori Fu Sun ma’lum qildi, deya xabar beradi “Izvestiya”.

“Agar boshqa davlatlar o‘z zahiralarini Xitoy darajasigacha qisqartirsa, biz bu jarayonga qo‘shilishga tayyormiz. Ammo Xitoy Rossiya va AQSh bilan birga uch tomonlama muzokaralarga qo‘shilishini kutish mantiqdan yiroq bo‘lardi”, — dedi Fu Sun.

Fu Sun AQSh va Rossiyaning yadroviy qurolsizlanishi muhimligi, chunki Moskva va Vashingtonning aslahalari boshqa davlatlarnikiga nisbatan bir necha baravar ko‘pligini ta’kidladi. Shu sabab u ikki davlatni Strategik hujum qurollarini qisqartirish to‘g‘risidagi shartnoma amal qilishini davom ettirishga chaqirdi.