Dunyo mamlakatlarining jami qarzi (davlat va xususiy sektor qarzlarini o‘z ichiga oladi) rekord summa — 188 trillion dollar yoki jahon yalpi ichki mahsulotining 230 foiziga yetdi. Bu haqda Xalqaro valyuta jamg‘armasi direktori Kristalina Georgiyeva ma’lum qildi, deya xabar beradi “Korrespondent.net”.
Uning aytishicha, qarzdorlikning uchdan ikki qismi xususiy sektorga to‘g‘ri keladi.
“Rivojlanayotgan mamlakatlar davlat qarzi oxirgi marta 1980-yillarda kuzatilgan qarz tangligidagi darajada bo‘lib turibdi. Kam daromadli davlatlarda oxirgi 5 yil davomida qarzdorlik keskin kuchaydi”, — dedi jamg‘arma rahbari.
XVJ ekspertlariga ko‘ra, kam daromadli davlatlarning deyarli yarmi — 43 foizi qarzdorlik muammosiga duch kelish xavfi ostida yoki hozirning o‘zida qashshoqlik holatida.
Izoh (0)